Perezida Kagame yaganiriye n’Abayobozi ba kaminuza ya Yonsei yo muri Koreya y’Epfo

Perezida Kagame yaganiriye n’Abayobozi ba kaminuza ya Yonsei yo muri Koreya y’Epfo

Perezida Paul Kagame yakiriye mu biro bye Perezida wa Kaminuza ya Yonsei yo muri Koreya y’Epfo, Prof. Dong-Sup Yoon na Dr. Won-Yong Lee, Umuyobozi Mukuru wungirije ushinzwe Ubushakashatsi n’itsinda bazanye aho bagiranye ibiganiro ku gushimangira imikoranire.

Ibiro by’Umukuru w’Igihugu, Village Urugwiro kuri uyu wa Kabiri, tariki ya 27 Mutarama 2026, byatangaje ko impande zombi zaganiriye ku gushimangira imikoranire mu bijyanye n’uburezi hagati ya Kaminuza ya Yonsei n’u Rwanda, binyuze mu guhererekanya ubumenyi, ubushakashatsi no kubaka ubushobozi mu rwego rw’uburezi.

Umubano w’u Rwanda na Koreya y’Epfo umaze imyaka irenga 60 ndetse ugaragaramo ubufatanye bukomeye mu nzego z’iterambere, ubuhinzi, ikoranabuhanga (ICT) n’uburezi.

Muri Kamena 2024, Perezida Paul Kagame yagiriye uruzinduko rw’akazi muri icyo gihugu, aho yasize hasinywe amasezerano y’ubufatanye mu nzego zitandukanye.

Muri uwo mwaka kandi Kaminuza ya Yonsei yahaye Perezida Kagame Impamyabumenyi y’Ikirenga (PhD) y’icyubahiro, mu Ishami ry’Imiyoborere rusange na politiki ziteza imbere abaturage (Public policy and Management).

Perezida Paul Kagame yashimiye iyo Kaminuza ya Yonsei, icyubahiro bamuhaye agaragaza ko yifuza gukomeza umubano n’iyo kaminuza.

U Rwanda rufite ambasade i Seoul ndetse na Koreya y’Epfo ifite ambasade i Kigali mu rwego rwo koroshya dipolomasi n’umubano w’ibihugu byombi usanzwe ukubiye mu nzego zitandukanye.

Perezida Kagame yakiriye abayobozi ba Kaminuza ya Yonsei yo muri Koreya y’Epfo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27