Abasirikare ba RDF barwanira ku butaka basoje amahugurwa

Abasirikare ba RDF barwanira ku butaka basoje amahugurwa

Abasirikare bo muri Brigade y’Ingabo z’u Rwanda (RDF) zirwanira ku Butaka, bagizwe na ofisiye bakuru n’abato ndetse n’abandi basanzwe, basoje neza amahugurwa y’amezi ane yo ku rwego rwo hejuru yari agamije kurushaho kubatyaza mu bumenyi mu bya gisirikare.

Umuhanago wo gusoza ya mahugurwa wabereye mu Kigo cya Gisirikare cya Nasho giherereye mu Karere ka Kirehe, kuri uyu wa Mbere tariki ya 22 Ukuboza 2025, uyobora n’Umugaba Mukuru w’Ingabo z’u Rwanda Gen Mubarakh Muganga, n’abandi bayobozi bakuru mu ngabo z’ u Rwanda.

Abasoje aya mahugurwa berekanye amwe mu masomo bigishijwe arimo amayeri y’intambara, imyitozo njyarugamba, kumasha, byose byagaragazaga ubushobozi bw’iyo Brigade mu bikorwa by’urugamba no kubungabunga umutekano.

Umugaba Mukuru w’Ingabo z’u Rwanda, Gen Mubarakh Muganga yashimiye abarangije amahugurwa ku bwitange, imyitwarire myiza n’ubunyamwuga bagaragaje mu gihe cyose cy’amahugurwa, anabasaba gukomeza kuba abanyamwuga mu nshingano zabo z’akazi.

Yabakanguriye gukoresha neza ubumenyi n’ubushobozi bungutse mu kurengera ubusugire bw’Igihugu no guhangana n’ibibazo by’umutekano bishobora kuvuka.

Umugaba Mukuru w’Ingabo yibukije akamaro ko gukomeza kwimakaza indangagaciro za RDF, cyane cyane ikinyabupfura, yavuze ko ariyo nkingi y’ingenzi izindi ndangagaciro zubakiyeho.

Yagize ati: “Ikinyabupfura ni cyo kigomba kubanza muri byose. Turi igisirikare kigendera ku myitwarire myiza n’indangagaciro z’ubunyangamugayo.”

Amahugurwa nk’aya agamije kongerera abasirikare ubumenyi n’ubushobozi, kugira ngo bashobore gusohoza neza inshingano zabo nk’Ingabo z’u Rwanda.

Bagaragaje amwe mu masomo bigiye muri aya mahugurwa yari amaze amezi ane mu kigo cya Nasho
Umugaba Mukuru w’Ingabo Gen Mubarakh Muganga yasabye abasirikare basoje amahugurwa kuzahora barangwa n’ikinyabupfura
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27