Ibiciro ku masoko byiyongereyeho 7,1% mu Ukwakira 2025

Ibiciro ku masoko byiyongereyeho 7,1% mu Ukwakira 2025

Ibipimo by’Ikigo cy’Igihugu cy’Ibarurishamibare, NISR byagaragaje ko ibiciro mu mijyi byiyongereyeho 7,1% mu Ukwakira 2025, ugereranyije n’Ukwakira 2024, ariko bikaba byaragabanyutse ugereranyije na 7,3% byariho muri Nzeri 2025.

NISR yagaragaje ko ibiciro byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 1,6%, mu gihe ibiciro by’ibinyobwa bisembuye n’itabi byiyongereyeho 16%.

Ibiciro by’inzu, amazi, amashanyarazi, gazi n’ibindi bicanwa byiyongereyeho 7,5%, ibiciro by’ibijyanye n’ubuvuzi byiyongereyeho 71,3%, ibiciro by’ubwikorezi byiyongeraho 8,5% n’ibiciro by’amafunguro n’icumbi byiyongereyeho 19,1%.

Ugereranyije Ukwakira 2025 n’Ukwakira 2024, ibiciro by’ibintu bitarimo ibiribwa n’ibikomoka ku ngufu byiyongereyeho 9%, mu gihe Ukwakira 2025 na Nzeri 2025, ibiciro byiyongereyeho 1,3%.

Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 1,1% n’ibiciro by’inzu, amazi, amashanyarazi, gazi n’ibindi bicanwa byiyongereyeho 4,1%.

Ibiciro mu byaro mu kwezi k’Ukwakira 2025, byiyongereyeho 3,8% ugereranyije n’Ukwakira 2024, bikaba byaragabanyutse ugereranyije n’ukwezi Nzeri 2025, aho byari kuri 5,5%.

Bimwe mu byatumye ibiciro byiyongera mu Ukwakira 2025, ni ibiciro by’ibiribwa n’ibinyobwa bidasembuye byiyongereyeho 0,8%, n’ibiciro by’ibinyobwa bisembuye n’itabi byiyongereyeho 14,6%.

Mu byaro ibiciro by’ibijyanye n’ubuvuzi byiyongereyeho 55%, iby’amafunguro n’amacumbi byiyongeraho 17%, ariko ugereranyije Ukwakira 2025 na Nzeri 2025, ibiciro byiyongereyeho 0,8%; iryo zamuka rikaba ryatewe ahanini n’ibiciro by’ibiribwa n’ibinyobwa bidasembuye byiyongereyeho 0,5%.

Ni mu gihe ibiciro bikomatanyirijwe hamwe; mu mijyi no mu byaro mu Ukwakira 2025, byiyongereyeho 5,1% ugereranyije n’Ukwakira 2024.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27