Perezida Kagame yagiranye ibiganiro n’abajyanama be

Perezida Kagame yagiranye ibiganiro n’abajyanama be

Perezida wa Repubulika Paul Kagame, yayoboye Inama y’Akanama Ngishwanama k’Umukuru w’Igihugu (PAC), ihuriro ruhurizwamo impuguke z’Abanyarwanda n’abo ku rwego mpuzamahanga, bashinzwe kugira inama Umukuru w’Igihugu na Guverinoma kugira ngo bungurane ibitekerezo ku iterambere ry’u Rwanda.

Iyi nama yabereye kuri Kigali Golf Resort, kuri uyu wa Kabiri, tariki ya 14 Ukwakira 2025.

Ibi biganiro by’Umukuru w’Igihugu n’Akanama Ngishwanama ke, byibanze ku gushaka ibisubizo bishya kandi bifatika byafasha mu kongera umuvuduko w’iterambere ry’ubukungu n’imibereho myiza y’abaturage, ndetse no guhangana n’ibibazo bikomeye byo mu Karere no ku rwego mpuzamahanga.

Mu bitabiriye iyi nama harimo Louise Mushikiwabo Umunyamabanga Mukuru w’Umuryango Mpuzamahanga w’Ibihugu bikoresha Ururimi rw’Igifaransa (OIF), Umuyobozi w’Urwego rw’Iterambere mu Rwanda (RDB) Afurika Guy, Minisitiri w’Uburezi Nsengimana Joseph, impuguke mu bukungu Dr Donald Kaberuka, Minisitiri w’Ioranabuhanga na Inovasiyo Ingabire Musoni Paula, impuguke mu buvuzi Prof. Senait Fisseha, Dale Dawson n’abandi.

Abagize uru rwego rwashinzwe ku wa 26 Nzeri 2007, bahura kabiri buri mwaka, inama ya mbere ikaba yarabereye i New York muri Leta Zunze Ubumwe za Amerika ubwo Perezida Kagame yari yitabiriye Inama y’Inteko Ishinga Amategeko n’iya Clinton Global Initiative.

Inama yabereye kuri Kigali Golf Resort mu Mujyi wa Kigali
Pereizda Kagame yungurana ibitekerezo n’abagize PAC
Perezida Kagame yayoboye Inama y’Akanama Ngishwanama ke (PAC) yibanze ku bungurana ibitekerezo ku iterambere ry’u Rwanda
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27