Dr. Frank Habineza na Alphonse Nkubana batorewe kuba Abasenateri

Dr. Frank Habineza na Alphonse Nkubana batorewe kuba Abasenateri

Dr. Frank Habineza uyobora ishyaka Riharanira Demokarasi no Kurengera Ibidukikije (Democaratic Green Party Rwanda) na Alphonse Nkubana uyobora Ishyaka ry’Ubwisungane Bugamije Iterambere (PSP), batowe n’abahagarariye Ihuriro ry’Imitwe ya Politiki yemewe mu Rwanda (NFPO) kuba Abasenateri.

Mu nama rusange idasanzwe y’iryo huriro yateraniye i Kigali kuri uyu wa Kabiri tariki ya 14 Ukwakira 2025 ni yo yatoye abo bakandida hakaba hategerejwe ko bazashyikirizwa Urukiko rw’Ikirenga kugira ngo rubemeze.

Urukiko nirubyemeza abo Basenateri bakaba bazasimbura Senateri Mugisha Alexis na Senateri Clotilde Mukakarangwa bazarangiza manda zabo ku wa 22 Ukwakira 2025.

Dr. Habineza Frank wiyamamarije kuba Umukuru w’Igihugu inshuro ebyiri zose ariko agatsindwa, mu 2018 yinjiye mu Nteko Ishinga Amategeko y’u Rwanda Umutwe w’Abadepite, ariko aza kuvamo asoje manda, ndetse yongeye kwiyamamariza kuyobora u Rwanda muri manda ya 2024-2029.

Uyu mugabo yashinze ishyaka DGPR mu mwaka wa 2009, ariko riza kwandikwa mu mashyaka yemewe mu Rwanda nyuma y’igihe kinini ryamaze ritaruzuza ibisabwa.

Ku rundi ruhande, Alphonse Nkubana ni we muyobozi w’Ishyaka PSP ariko akaba ari na we wari Umuvugizi w’Ihuriro NFPO guhera mu mwaka ushize wa 2024.

Alphonse Nkubana w’ishyaka PSP yatorewe kuba Umusanateri
Dr. Frank Habineza uyobora ishyaka DGPR agiye kwinjira muri Sena y’u Rwanda
Inama rusange y’ Ihuriro ry’Imitwe ya Politiki yemewe mu Rwanda (NFPO) yatoye Abasenateri
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27