Perezida Kagame yakiriwe na mugenzi we wa Azerbaijan

Perezida Kagame yakiriwe na mugenzi we  wa Azerbaijan

Perezida Paul Kagame na mugenzi we wa Azerbaijan, Ilham Aliyev bagiranye ibiganiro byihariye byagarutse ku bufatanye bw’ibihugu byombi mu nzego z’ingenzi zunguka.

Ni igikorwa cyabaye kuri uyu wa Gatandatu tariki 20 Nzeri 2025 i Baku mu Murwa Mukuru wa Azerbaijan, aho Perezida Kagame ari mu ruzinduko rw’akazi rw’iminsi itatu.

Biteganyijwe ko Abakuru b’Ibihugu bakurikira umuhango wo gusinya amasezerano hagati y’u Rwanda na Azerbaijan mu by’ubuhinzi, uburezi, ubucuruzi, serivisi z’indege n’imitangire ya serivisi rusange.

Nyuma y’isinywa ry’ayo masezerano, Abakuru b’Ibihugu bombi bazagirana ikiganiro n’abanyamakuru, banakomereze ibiganiro hamwe n’intumwa zabo.

Mbere yo guhura na mugenzi wa Azerbaijan, Perezida Paul Kagame yasuye agace ka Alley of Honor, ashyira indabo ku mva z’Intwari z’icyo gihugu, Heydar Aliyev na Zarifa Aliyeva wari umugore we.

Yakomeje uruzinduko rwe muri Alley of Martyrs, ahashyinguye abaguye mu rugamba rwo kurwanira ubwisanzure, ubwigenge n’ubusugire bw’igihugu cya Azerbaijan, aho na ho yashashyize indabo mu rwego rwo kubaha ubutwari bwabo.

Perezida Kagame yageze i Baku ku wa Gatanu, tariki ya 19 Nzeri, mu ruzinduko rw’iminsi itatu rugamije gushimangira ubufatanye hagati y’u Rwanda na Azerbaijan.

Perezida Kagame na Perezida Aliyev baherukaga guhura i Baku mu Ugushyingo 2024, mu nama y’Umuryango w’Abibumbye ku mihindagurikire y’ibihe (COP29).

Perezida Paul Kagame ari mu ruzinduko rw’akazi muri Azerbaijan
Perezida Paul Kagame yakiriwe na mugenzi wa Azerbaijan, Ilham Aliyev
Perezida Kagame na Ilham Aliyev baganiriye ku bufatanye mu nzego z’ingenzi
Perezida Paul Kagame yunamiye intwari za Azerbaijan
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27