Minisitiri Amb. Nduhungirehe yasuye ingoro ndangamurage ya Liberia

Minisitiri Amb. Nduhungirehe yasuye ingoro ndangamurage ya Liberia

Minisitiri w’Ububanyi n’Amahanga n’Ubutwererane Amb. Nduhungirehe Olivier, yasuye ingoro ndangamurage ya Liberiya, ahabona byinshi bikungahaye ku mateka n’umuco

Yaboneyeho kwifatanya n’urubyiruko rwo muri Liberiya rwize mu Rwanda, yumva ibyo banyuzemo, ubunararibonye anabifuriza kuzagera ku byo bateganya gukorwa mu bihe biri imbere.

Nk’uko byatangajwe na Minisiteri y’Ububanyi n’Amahanga n’Ubutwererane (MINAFFET), Amb. Nduhungirehe yanabonanye kandi na Meya wa Monrovia, John-Charuk Sifa, baganiriye ku buryo bunoze bw’ubufatanye bwimbitse hagati y’imijyi ya Kigali na Monrovia.

Muri Monrovia, Minisitiri Amb. Nduhungirehe yabonanye na Senateri Ambaraham Darius Dillon, Perezida wa Komisiyo y’ububanyi n’amahanga ya Sena ya Liberiya. Ibiganiro byabo byibanze ku gushimangira ubufatanye bw’ibihugu byombi no guteza imbere dipolomasi z’Inteko zishinga Amategeko.

Ni nyuma yuko, Minisitiri Amb. Nduhungirehe i Monrovia mu ruzinduko rwe muri Liberiya, yagiranye inama na mugenzi we w’Ububanyi n’Amahanga muri icyo gihugu Sara Beysolow Nyanti.

Ba Minisitiri bombi bashyize umukono ku masezerano abiri, ariyo yo gushyiraho Komisiyo ihoraho y’ubufatanye n’amasezerano yo gukuraho Viza.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27