Perezida Kagame yakiriye Perezida Daniel Chapo wasuye u Rwanda

Perezida Kagame yakiriye Perezida Daniel Chapo wasuye u Rwanda
Perezida Kagame yakiriye mugenzi we wa Mozambique muri Village Urugwiro

Ku gicamunsi cyo kuri uyu wa Gatatu tariki ya 27 Kanama 2025, Perezida wa Repubulika Paul Kagame yakiriye Perezida wa Mozambique Daniel Francisco Chapo watangiye uruzinduko rw’akazi rw’iminsi ibiri mu Rwanda.

Nyuma yo kumwakira, bakomereje mu biganiro byabereye mu muhezo bigaruka ku nzego z’ingenzi z’ubutwererane bw’ibihugu byombi.

Mu masaha yo mu gitondo ni bwo Perezida Chapo yageze ku Kibuga cy’Indege Mpuzamahanga cya Kigali aho yakiriwe n’Umunyamabanga wa Leta muri Minisiteri y’Ububanyi n’Amahanga n’Ubutwererane ushinzwe ubutwererane bw’Akarere Gen. (Rtd.) Kabarebe James.

Biteganyijwe ko nyuma yo guhura na Perezida Kagame, bahura n’amatsinda ahagarariye ibihugu byombi, ashobora gusinywa amasezerano mu nzego nshya z’ubutwererane.

Nyuma y’aho biteganyijwe ko Perezida Chapo aza gusura Urwibutso rwa Jenoside rwa Kigali, aho aza kunamira inzirakarengane zishwe muri Jenoside yakorewe Abatutsi mu 1994.

Umukuru w’Igihugu wa Mozambique yaje asanga mu Rwanda itsinda ry’abagize Guverinoma baje gutegura inzira mu biganiro byakozwe mu nzego zitandukanye.

Muri bo harimo itsinda ryayobowe na Minisitiri w’Ingabo Cristóvão Chume, iryayobowe na Minisitiri w’Ububanyi n’Amahanga n’Ubutwererane Maria Manuela dos Santos Lucas, Minisitiri w’Imari Carla Loveira, Minisitiri w’Igenamigambi n’Iterambere Salim Valá, na Minisitiri muri Perezidansi ushinzwe Ibikorwa bya Gisivili, Ricardo Xavier Sengo.

Intumwa za Mozambique ziri mu Rwanda kandi harimo n’abakora muri Perezidansi n’abaturutse mu bigo bitandukanye byaba ibya Leta n’iby’abikorera.

Perezida Kagame na Chapo bagize ibiganiro byabereye mu muhezo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27