Abakorera ku Isoko ry’Imari n’Imigabane mu Rwanda barategurirwa kuba mpuzamahanga

Abakorera ku Isoko ry’Imari n’Imigabane mu Rwanda barategurirwa kuba mpuzamahanga
Urwego rw’u Rwanda rugenzura Isoko ry’Imari mu Rwanda (CMA) rwatangaje gahunda nshya y’amahugurwa igamije kuzamura urwego rw’ubunyamwuga no kongera ubushobozi mu isoko ry’imari n’imigabane

Urwego rw’u Rwanda rugenzura Isoko ry’Imari mu Rwanda (CMA) rwatangaje gahunda nshya y’amahugurwa igamije kuzamura urwego rw’ubunyamwuga no kongera ubushobozi mu isoko ry’imari n’imigabane mu Rwanda rukagera ku rwego mpuzamahanga.

Iyi gahunda izashyirwa mu bikorwa ku bufatanye n’Ikigo Mpuzamahanga gitanga amahugurwa ku bijyanye n’Isoko ry’imari n’imigabane (CISI) gifite icyicaro mu Bwongereza.

Intego yayo ni ugutanga ubumenyi bwo kuba banyamwuga bakorera kuri iri soko, kandi bafite impamyabushobozi zemewe ku rwego mpuzamahanga kandi bujuje ibisabwa n’amategeko.

Iyi gahunda ikurikira itangazo rya CMA ryo ku wa 6 Kanama 2025, rigena ibisabwa mu by’impamyabushobozi n’ubushobozi bw’abitabira gukorera ku isoko ry’imari n’imigabane ry’u Rwanda.

Umuyobozi Mukuru wa CMA, Thapelo Tsheole yashimangiye ko iterambere ry’ubumenyi ari inkingi y’iterambere ry’isoko ry’imari n’imigabane mu Rwanda.

Yagize ati: “Isoko ryimari n’imigabane ry’u Rwanda rizazamuka mu buryo bwiza, kandi aya mahugurwa y’abakorera kuri iri soko azatanga umusaruro cyane kuko abahakorera bazaba bizewe n’abashoramari, kandi bakomeza gutanga umusanzu mu iterambere ry’urwego rw’imari mu Rwanda.”

Abbie Cornish ushinzwe Iterambere Mpuzamahanga muri CISI, na we yagize ati: “Aya mahugurwa ni ingenzi cyane ku bakorera kuri iri soko ry’imari mu Rwanda nk’abanyamwuga, kuko bazunguka ubumenyi buhoraho kandi ari ingenzi mu kurengera abashoramari no kubaka icyizere ku isoko. Abazakurikira aya masomo kandi bazabona amahirwe yo kuba abanyamuryango ba CISI kugira ngo ubumenyi bafite bukomeze buzamuke ku rwego mpuzamahanga.”

Iyi gahunda ije mu gihe u Rwanda ruri kuba igicumbi cy’ishoramari mpuzamahanga, ndetse no mu gihe abashomari batandukanye baba ibigo n’abantu ku giti cyabo bakangurirwa kugana iri soko ry’imari.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27