Minisitiri w’Ingabo za Mozambique yasuye u Rwanda

Minisitiri w’Ingabo za Mozambique yasuye u Rwanda

Minisitiri w’Ingabo za Mozambique, Gen Maj Cristóvão Artur Chume, ari kumwe n’itsinda ry’abayobozi bakuru b’Ingabo na Polisi, bari mu ruzinduko rw’akazi mu Rwanda rugamije gushimangira ubufatanye bw’inzego z’umutekano hagati y’ibihugu byombi.

Minisitiri Chume yaherekejwe na Gen Maj André Rafael Mahunguane, Umugaba w’Ingabo za Mozambique, hamwe na CP Fabião Pedro Nhancololo, Umuyobozi Mukuru wa Polisi ishinzwe umutekano n’amategeko muri icyo gihugu.

Mu gitondo cyo kuri uyu wa Gatandatu tariki ya 23 Kanama 2025, iri tsinda ryasuye Urwibutso rwa Jenoside yakorewe Abatutsi mu 1994 rwa Kigali, ruri ku Gisozi, bashyira indabo ku mva rusange ndetse bibuka abasaga miliyoni 1 bazize Jenoside

Banasuye Ingoro y’Amateka y’Urugamba rwo Guhagarika Jenoside (Campaign against Genocide Museum), aho basobanuriwe amateka y’urugamba ingabo zahoze ari iza RPA Inkotanyi zarwanye zigahagarika Jenoside.

Uruzinduko rw’abo bayobozi rurakomeje, biteganyijwe ko basura icyicaro gikuru cy’Ingabo z’u Rwanda, mu rwego rwo kurushaho gushimangira ubufatanye bwa gisirikare hagati ya Mozambique n’u Rwanda, cyane cyane mu bikorwa byo kubungabunga amahoro n’umutekano.

Ingabo z’ibihugu byombi zisanzwe zifitanye umubano wihariye aho u Rwanda rwafashije mu buryo bufatika Mozambique guhangana n’ibyihebe byari byarayogoje abaturage mu Ntara ya Cabo Delgado kuri ubu ikaba itekanye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27