Murekeraho wabaye Umunyamabanga wa Leta yitabye Imana

Murekeraho wabaye Umunyamabanga wa Leta yitabye Imana

Murekeraho Joseph wabaye Umunyamabanga wa Leta muri Minisiteri y’Uburezi, ashinzwe amashuri Abanza n’Ayisumbuye, yitabye Imana afite imyaka 73.

Umwe mu bagize umuryango we yabwiye itangazamakuru ko Murekeraho yari amaze icyumweru arwaye indwara yoroheje, ariko uburwayi bwe bukarushaho gukomera ku wa Gatanu, tariki ya 8 Kanama 2025, ari na wo munsi yapfiriyeho.

Nyakwigendera yari arimo kuvurirwa mu Bitaro bya Gisirikare i Kigali.

Umuryango we utangaza ko gushyingura nyakwigendera biteganyijwe kuba ku wa Kane, tariki ya 14 Kanama 2025, ariko iyi tariki ishobora guhinduka bitewe n’uko bamwe mu bagize umuryango bataragera mu gihugu.

Nyakwigendera Murekeraho yigeze gutangaza ko ari we wazanye igitekerezo bwa mbere cyo gushinga, gutangiza no gushyira mu bikorwa Koperative yo kuzigama no kugurizanya y’abarimu (Umwalimu SACCO).

Murekeraho yabaye mu myanya itandukanye irimo Umunyamabanga wa Leta ushinzwe Amashuri Abanza n’Ayisumbuye, hanyuma aba n’Umuyobozi wa Koperative Umwalimu SACCO.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27