Basangiye n’Abashinwa amafunguro yo mu Rwanda

Basangiye n’Abashinwa amafunguro yo mu Rwanda

Abanyarwanda baba mu Bushinwa bizihije Umunsi Mukuru w’Umuganura basangira n’abaturage b’icyo gihugu amafunguro gakondo yo mu Rwanda, bishimira ibyagezweho mu gihugu cyabo.

Mu byo basangiye harimo ibigori bitetse, ibirayi n’amateke bigeretse ku bishyimbo, imyumbati iteguwe mu buryo bwa gakondo, n’ibindi.

Wabaye umwanya wo kugaragaza umwihariko w’u Rwanda mu mafunguro muri icyo gihugu cyihariye ku mafunguro ateguranwa ubuhanga kandi ashingiye ku muco waho.

Ku wa Gatandatu, ni bwo Abanyarwanda n’inshuti z’u Rwanda basaga 300 bijihije uyu Munsi Mukuru wari ufite insanganyamatsiko igira iti: “Umuganura, Isoko y’ubumwe n’ishingiro ryo kwigira.”

Wari umwanya wo kwishimira ibyagezweho, guhamya ingamba z’igihe kirekire no gushimangira umuco w’ubumwe no gukunda Igihugu.

Mu butumwa yagejeje ku bitabiriye uyu munsi, Ambasaderi James Kimonyo, yibukije abitabiriye ko umuganura ari umwanya wo kuganuzanya, kwishimira ibyagezweho, guhiga ibizakorwa umwaka utaha.

Yavuze kandi ko Umuganura ufasha mu gukomeza umuco n’indangagaciro zirimo gukorana umurava, gukunda igihugu, ubumwe no kwirinda amacakubiri.

Ibyo birori nanone kandi byaranzwe no no guhemba abanyeshuri basoje neza amasomo n’imikino gakongo nk’Igisoro, imyidagaduro igaragaza umuco nyarwanda, kuvuga amazina y’inka, amahamba.

Umuhanzi w’injyana gakondo Massamba Intore na we ari mu bataramiye abitabiriye ibyo birori byaranzwe n’umunezero ku Banyarwanda n’inshuti zabo.

ku Munsi w’Umuganuura basangiye amafunguro nyarwanda arimo ibigori, ibirayi, n’amateke bigeretse ku bishyimbo
Abashinwa bishimiye kubyinda indirimbo gakondo
Ambasaderi w’u Rwanda mu Bushinwa James Kimonyo, yakomoje ku gaciro ko kwizihiza Umuganura
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27