Protais Mitali wigeze kuba Minisitiri wa Siporo yitabye Imana

Protais Mitali wigeze kuba Minisitiri wa Siporo yitabye Imana

Protais Mitali wigeze kuba Minisitiri w’Umuco na Siporo yitabye Imana aguye mu Bubiligi. Ni amakuru yacicikanye ku mbuga nkoranyambaga ndetse akagaragaza ko yazize uburwayi.

Iyi nkuru yamenyekanye mu mugoroba wo kuri uyu wa Gatanu tariki ya 01 Kanama 2025. Icyakoze nta muntu wo mu muryango wa nyakwigendera uragira icyo atangaza ku rupfu rwa Mitali.

Mitali yabaye Ambasaderi w’u Rwanda muri Ethiopia. Yaje guhunga ariko aza kugaragara mu Mujyi wa Bruxelles mu Bubiligi nyuma y’imyaka ine ashakishwa ashinjwa kunyereza umutungo w’ishyaka rya PL yari abereye umuyobozi.

Mu ntangiriro za 2015, Ubuyobozi bwa PL bwatangaje ko bwabuze miliyoni zisaga 50 Frw, zari ku mutwe wa Mitali ndetse asabwa na Minisiteri y’Ububanyi n’Amahanga gukemura ibibazo yari ari afitanye n’ishyaka ku bijyanye n’ayo mafaranga.

Bikimara kujya hanze, muri Mata 2015 Mitali yahunze igihugu PL, ntihagira umuntu wongera kumuca iryera.

Muri Nyakanga 2015, urubuga rwa Internet rwa Polisi Mpuzamahanga, Interpol, rwatangaje ko Mitali ari gushakishwa kubera ibyaha byo gukoresha nabi umutungo yari ashinzwe gucunga ndetse n’ubujura.

Umushinjacyaha Mukuru w’u Rwanda, Jean Bosco Mutangana, ku wa 19 Werurwe 2019, yavuze ko icyo gihe Mitali yari ataraboneka ngo ashyikirizwe ubutabera.

Yitabye Imana afite imyaka 62, akaba akomoka mu yahoze ari Perefegitura ya Gitarama.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27