U Rwanda rugiye kwakira inama y’Abaminisitiri bo muri OIF

U Rwanda rugiye kwakira inama y’Abaminisitiri bo muri OIF

Minisitiri w’Ububanyi n’Amahanga n’Ubutwererane, Amb Olivier Nduhungirehe, yatangaje ko u Rwanda rwatangiye imyiteguro yo kwakira Inama y’Abaminisitiri bo mu Muryango w’Ibihugu bikoresha Ururimi rw’Igifaransa, (OIF) izaba mu Gushyingo 2025.

Yabigarutseho ku mugoroba wo ku wa Mbere tariki ya 14 Nyakanga ubwo yari mu birori byo kwizihiza Umunsi Mukuru w’u Bufaransa, ubwo hagaruzwaga Bastille mu 1789, ufatwa nk’uw’Ubwigenge bw’icyo gihugu.

Minisitiri Nduhungirehe yashimye umubano w’u Rwanda n’u Bufaransa ukomeje gushinga imizi by’umwihariko mu nzego z’uburezi, ubuzima, n’indi mishinga itandukanye y’iterambere.

Biteganyijwe ko iyo nama izaba mu Ugushyingo 2025, ikazaba ari intambwe ikomeye yo gushimangira umubano w’u Rwanda n’uwo Muryango.

Nubwo u Rwanda rugiye kuyakira  ku nshuro ya mbere ariko rwagiye rwitabira inama zitandukanye za OIF ndetse rufite uruhare mu bikorwa by’uyu muryango kuva rwawinjiramo mu 1970.

Kugeza ubu uwo Muryango uyoborwa na Louise Mushikiwabo, ufite inkomoko mu Rwanda ndetse amaze gutorerwa kuyobora manda ebyiri, aho iya mbere yayitorewe mu 2018, akongera gutorwa mu 2022.

Louise Mushikiwabo yagiye muri izo nshingano nyuma yo kuba  Minisitiri w’Ububanyi n’Amahanga w’u Rwanda kuva mu 2009.

Minisitiri Nduhungirehe yashimye umubano mwiza n’ubutwererane hagati y’u Rwanda n’u Bufaransa by’umwihariko mu nzego zitandukanye n’indi mishinga y’iterambere.

Minisitiri w’Ububanyi n’Amahanga n’Ubutwererane w’u Rwanda, Olivier Nduhungirehe ari kumwe na Ambasaderi w’u Bufaransa mu Rwanda, Antoine Anfré
Minisitiri Nduhungirehe yashimye umubano mwiza n’ubutwererane hagati y’u Rwanda n’u Bufaransa by’umwihariko mu nzego zirimo zitandukanye n’indi mishinga y’iterambere
U Rwanda rwiteguye kwakira inama y’Abaminisitiri bo mu Muryango w’Ibihugu bikoresha Igifaransa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27