CAN 2023: Amavubi  yatsinzwe na Senegal mu mukino wo gushaka itike

CAN 2023: Amavubi  yatsinzwe na Senegal mu mukino wo gushaka itike

Rwanda 0-1 Senegal

Taliki 08-06-2022

Benin-Mozambique (Cotonou)

Ikipe y’u Rwanda “Amavubi” yatsinzwe na Senegal umukino wa kabiri mu itsinda L   mu  gushaka itike y’imikino y’Afurika  “CAN 2023”.

Uyu mukino wabereye kuri Diamniadio Olympic Stadium i Dakar, ikipe y’u Rwanda yihagazeho ariko mu minota y’inyongera, ikipe ya Senegal ibona igitego cyatsinzwe na Sadio Mane kuri penaliti nyuma y’ikosa yari akorewe na myugariro w’Amavubi, Mutsinzi Ange Jimmy mu rubuga rw’amahina. Umukino urangira ari igitego 1-0.

Nyuma yo gutsinda uyu mukino, Senegal yahise iyobora itsinda L n’amanota 6 kuko mu mukino w’umunsi wa mbere yari yatsinze Benin  ibitego 3-1.

Ikipe y’u Rwanda yari yitwaye neza mu mukino w’umunsi wa mbere aho yanganyije na Mozambique igitego 1-1.

Imikino y’umunsi wa kabiri mu itsinda L izasozwa  kuri uyu   wa Gatatu taliki 08 Kamena 2022  aho ikipe ya Benin izakina na Mozambique, umukino ubere kuri Stade de l’Amitié i Cotonou.

Imikino yo gushaka itike ya CAN 2023 izongera gukinwa  muri Nzeri 2022 aho ikipe y’u Rwanda izakina na Benin iwayo, taliki 19 Nzeri 2022  nyuma hakinwe n’umukino wo kwishyura uzabera mu Rwanda taliki 27 Nzeri 2022.

Abakinnyi babanjemo ku mpande zombi

Rwanda: Kwizera Olivier, Mutsinzi Ange, Manzi Thierry, Nirisarike Salomon, Serumogo Ali (Fitina Ombarenga), Imanishimwe Emmanuel, Muhire Kevin (Nishimwe Blaise), Bizimana Djihad, Rafael York (Hakizimana Muhadjiri), Ruboneka Jean Bosco na Kagere Meddie (Mugunga Yves).

Senegal: Edouard Mendy, Youssouf Sabaly, Abdou Diallo, Kalidou Koulibaly, Fodé Ballo-Touré, Pape Matar Sarr, Nampalys Mendy, Pape Gueye, Idrissa Gana Gueye, Sadio Mane, Habib Diallo   na  Ismaïla Sarr.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27