Taekwondo:   Ibihugu 19 ni byo  bimaze kwiyandikisha mu bizitabira shampiyona y’Afurika

Taekwondo:   Ibihugu 19 ni byo  bimaze kwiyandikisha mu bizitabira shampiyona y’Afurika

Mu gihe habura ukwezi  gusaga ngo  habe shampiyona y’ Afurika mu mukino wa Taekwondo  “African Taekwondo Senior Championships 2022”  izabera mu Rwanda kuva taliki 13 kugeza 17 Nyakanga 2022, hamaze kwiyandikisha abakinnyi basaga 200 bo mu  bihugu 19.

Nk’uko tubikesha ishyirahamwe ry’umukino wa Taekwondo mu Rwanda  “RTF”,  kuri uyu wa Mbere taliki 06 Kamena 2022 saa kumi z’umugoroba (16h00) mu marushanwa yombi , Kwiyereka “Poomsae” no Kurwana “Kyorugi” hari hamaze kwiyandikisha abakinnyi 217 bo mu bihugu 19.

Biteganyijwe ko irushanwa mu myiyereko “Poomsae”  rizakinwa  taliki 13 – 14 Nyakanga 2022, mu gihe irushanwa mu kurwana “Kyorugi” rizakinwa taliki  16- 17 Nyakanga 2022, ari nabwo hazamenyekana igihugu kizegukana igikombe.

Iri rushanwa ry’uyu mwaka  wa 2022 rizabera  muri BK Arena  yakira abantu  ibihumbi 10. Iyi akaba ari inshuro ya mbere mu mateka  iri rushanwa  rigiye  gukinirwa muri Afurika yo munsi y’ubutayu bwa Sahara.

Urutonde rw’ibihugu 19 byamaze kwiyandikisha

Muri ibi harimo  u Rwanda , Kenya, Sudan, Centre Afrique, Misiri,  Senegal , Somalia, Eswatini,Ghana , Gabon, RDC, Burundi, Gambia ,Chad, Botswana, Madagascar ,Lesotho, Niger  na Djibouti.

Biteganyijwe ko kwiyandikisha bizarangira taliki 25 Kamena 2022.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27