Abaganga ba CHUK bakuye igiceri mu gifu cy’umwana kimazemo ukwezi

Abaganga ba CHUK bakuye igiceri mu gifu cy’umwana kimazemo ukwezi

Itsinda ry’abaganga bo ku Bitaro Bikuru bya Kaminuza bya Kigali (CHUK) bakuye igiceri cy’amafaranga 50 cyari kimaze ukwezi mu gifu cy’umwana w’amezi 18.

Amakuru yatangajwe n’ibitaro bya CHUK, icyo giceri cyakuwe mu gifu ku wa Mbere, tariki ya 26 Gicurasi 2025, hifashishijwe uburyo bw’ikoranabuhanga rya endoscopy, uburyo butavunika cyane kandi bwirinda kubaga.

Nyina w’umwana yavuze ko yari yabwiwe ko bizasaba kubagwa kugira ngo bakuremo icyo giceri.

Icyakora abaganga bo mu ishami ryita ku ndwara z’imyanya y’igogora (gastrointestinal) muri CHUK bakoresheje endoscope, akuma kagizwe n’umuyoboro woroshye ufite camera n’ibikoresho byifashishwa, kinjizwa mu kanwa, kigera mu gifu, kugira ngo babashe kubona no gukuramo icyo kintu kidasanzwe cyinjiye mu gifu cy’umwana.

Uburyo bwa endoscopy bufasha abaganga gusuzuma no kuvura indwara zo mu myanya y’igogora badakase igice na kimwe ku mubiri, bigatuma umwana akira vuba kandi hakagabanywa ibyago byaturuka ku kubagwa bisanzwe.

Umwana w’amezi 18 yari amaranye ukwezi igiceri mu gifu
Igiceri cya 50 Frw cyari kimaze ukwezi mu nda y’umwana
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27