Minisitiri Nduhungirehe yitabiriye inama yiga ku bufatanye bwa EU-AU

Minisitiri Nduhungirehe yitabiriye inama yiga ku bufatanye bwa EU-AU

Minisitiri w’Ububanyi n’Amahanga n’Ubutwererane, Amb Olivier Jean-Patrick Nduhungirehe, yageze i Buruseli mu Bubiligi aho yitabiriye inama yahuje Abaminisitiri b’Ibihugu bigize Umuryango wa Afurika yunze Ubumwe (AU) n’Umuryango w’Ibihugu by’Ubumwe bw’Uburayi (EU).

Ni inama y’umunsi umwe yateranye kuri uyu wa Gatatu tariki 21 Gicurasi 2025. Minisiteri y’Ububanyi n’amahanga n’Ubutwererane yatangaje ko muri iyi nama Abaminisitiri bungurana ibitekerezo ku bufatanye bwa EU-AU.

Yagize iti: “Barungurana ibitekerezo ku bufatanye bwa EU-AU n’uburyo bwo kurushaho gushimangira ubufatanye muri uyu mwaka hizihizwa isabukuru y’imyaka 25 y’ubufatanye burambye bw’imiryango yabo.”

By’umwihariko Guverinoma y’u Rwanda ishima umubano uzira amakemwa urangwa hagati y’u Rwanda n’Umuryango w’Ubumwe bw’u Burayi (EU), cyane cyane ukaba ushimangirwa n’ubufatanye bwihariye u Rwanda rufitanye na buri gihugu kiwugize.

Umuryango w’Ubumwe bw’u Burayi ugira uruhare rukomeye mu bikorwa byo kubungabunga amahoro mu bice butandukanye by’Isi. 

Mu mpera z’umwaka wa 2022, uwo Muryango wemeje inkunga ya miliyoni 20 z’Amayero yo gushyigikira ibikorwa by’Ingabo z’u Rwanda zoherejwe guhashya iterabwoba mu Ntara ya Cabo Delgado muri Mozambique.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27