U Rwanda na RDC bagiye gusinyira amazerano y’ibanze muri Amerika  

U Rwanda na RDC bagiye gusinyira amazerano y’ibanze muri Amerika  

Abaminisitiri b’Ububanyi n’Amahanga b’u Rwanda na Repubulika Iharanira Demokarasi ya Congo (RDC) biteganyijwe ko basinyana yiswe “ay’ibanze” abimburira andi ashobora kuzasinywa mu gihe kiri imbere.

Ayo masezerano azwi nka Accord de Principe, ateganya ko impande ziganira ku bishobora kuzaba bikubiye mu masezerano ya nyayo ariko ikaba ari intambwe ikomeye mu gutangira urugendo rw’imikoranire.

Biteganyijwe ko asinywa kuri uyu wa Gatanu tariki ya 25 Mata i Washington D.C. muri Leta Zubze Ubumwe z’Amerika, mu biganiro bafashijwemo na Leta Zunze Ubumwe za Amerika.

Umunyamabanga wa Leta ya Amerika, Marco Rubio, ni we wakira Minisitiri Olivier Nduhungirehe w’u Rwanda hamwe na Minisitiri Thérèse Kayikwamba Wagner uhagarariye RDC, mu muhango wo gusinya ayo masezerano, nk’uko bigaragara ku rubuga rwa Minisiteri y’Ububanyi n’Amahanga ya Amerika.

Uyu muhango uteganyijwe kuba saa 8 z’ijoro ku isaha ya Kigali (saa munani z’amanywa i Washington D.C.).

Ibisobanuro birambuye by’ayo masezerano ateganywa gusinywa ntabwo byatangajwe ku mugaragaro, gusa ni intambwe itewe mu gihe ibihugu byombi bikomeje gushaka inzira zo kuzahura umubano wabyo umaze imyaka myinshi urimo agatotsi gashingiye ku mateka.

Nyuma yo gusinya ayo masezerano, Minisitiri Amb Nduhungirehe na Wagner baragirana ibiganiro byihariye na Christopher Landau, Umunyamabanga wa Leta wungirije wa Amerika.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27