Muhanga: Hakenewe miliyari 1,1Frw zo kwagura urwibutso rwa Kabgayi 

Muhanga: Hakenewe miliyari 1,1Frw zo kwagura urwibutso rwa Kabgayi 

Umuyobozi w’Umuryango uharanira inyungu z’abarokotse Jenoside yakorewe Abatutsi mu 1994 (IBUKA) mu Karere ka Muhanga, Dushimimana Fidele avuga ko hakenewe ingengo y’imari ya miliyari imwe na miliyoni ijana (1 100 000 000frw) kugira ngo urwibutso rwa Jenoside yakorewe Abatutsi rwa Kabgayi rubashe kwagurwa.

Avuga ko Urwibutso rwa Jenoside yakorewe Abatutsi mu 1994 rwa Kabgayi rukeneye kuvugururwa no kwagurwa, aho inyigo yakozwe igaragaza ko hakenewe miliyari imwe na miliyoni ijana.

Ati: “Urwibutso rw’Akarere ka Muhanga rwa Kabgayi, twifuza ko rwagurwa rukavugururwa, gusa ntiharaboneka ubushobozi cyane ko inyigo yerekanye ko nibura hakenewe ingengo y’imari yo kurwagura igera kuri miliyari imwe na miliyoni ijana.”

Umusenateri mu Nteko Ishinga Amategeko y’u Rwanda umutwe wa Sena Nyirasafari Esperance, avuga ko hagiye kubaho ibiganiro n’ubuyobozi butandukanye burimo n’ubw’Akarere ka Muhanga kugira ngo hashakwe igisubizo.

Ati: “Ni byo urwibutso rwa Kabgayi rukeneye kuvugururwa no kwagurwa. Rero navuga ko tuzakorana ibiganiro n’ubuyobozi butandukanye burimo n’ubw’Akarere ka Muhanga, noneho nyuma hakorwe ubuvugizi bwo gushaka ubushobozi bwo kwagura urwibutso rwa Kabgayi.”

Umuryango IBUKA wifuza ko Urwibutso rwa Jenoside rwa Kabgayi, ruherereye hepfo y’ibitaro bya Kabgayi ku muhanda mukuru wa Kigali-Muhanga-Huye rwasanwa ndetse rukagurwa, kuri ubu rushyinguyemo imibiri y’inzirakarengane zazize Jenoside yakorewe Abatutsi mu 1994 igera ku 12 208.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27