Perezida Kagame ategerejwe mu biganiro n’abaturage b’i Kigali

Perezida Kagame ategerejwe mu biganiro n’abaturage b’i Kigali

Perezida wa Repubulika Paul Kagame ku wa Gatandatu tariki 15 Werurwe, agiye gusubukura ibikorwa byo guhura n’abaturage (Citizen Outreach) aho azatangirira kuri Site ya Gahanga mu Karere ka Kicukiro aho azahurira n’abatuye Umujyi wa Kigali.

Perezida Kagame yaherukaga gusura abaturage b’Akarere ka Nyamagabe, Rusizi na Nyamasheke  hagati y’amatariki 26 -28 Kanama 2022, aho yasabye abaturage kwimakaza umuco wo gukora cyane hagamijwe kurushaho kunoza imibereho y’abaturage.

Yavuze ko iyo uwo muco udahari nubwo haba hariho ubushobozi bungana gute ngo nta cyo umuntu yageraho.

Kuri iyi nshuro, abaturage b’Umujyi wa Kigali bishimiye kumva iyo nkuru y’uruzinduko rw’Umukuru w’Igihugu, bakaba biyemeje kumwakirana urugwiro.

Bavuze ko mu biganiro bidasanzwe, abaturage b’Umujyi wa Kigali biyemeje kuzagaragariza Perezida Kagame ko bamushyigikiye kandi banagaragarize amahanga ko bishimiye kuyoborwa na we.

Umwe muri abo baturage wo mu Karere ka Kicukiro yagize ati: “Turashaka kugaragariza Isi yose ko Paul Kagame atuyoboye, kandi ko turi kumwe muri byose. Ni umwanya wo kwereka buri wese ko tudatewe ubwoba n’ibihano amwe mu mahanga yashyiriyeho Igihugu cyacu.”

Abanyarwanda banyuzwe no kuyoborwa na Perezida Paul Kagame
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27