Minisitiri Nduhungirehe yakiriye mu biro bye Umuyobozi muri Ambasade ya Luxembourg

Minisitiri Nduhungirehe yakiriye mu biro bye Umuyobozi muri Ambasade ya Luxembourg

Minisitiri w’Ububanyi n’Amahanga n’Ubutwererane, Olivier Jean Patrick Nduhungirehe, mu gitondo cyo kuri uyu wa Kane tariki 10 Ukwakira 2024 yakiriye mu biro bye Charlotte Helminger, umuyobozi muri Ambasade ya Luxembourg mu Rwanda.

Ubutumwa bwa Minisiteri y’Ububanyi n’Amahanga n’Ubutwererane buri ku rubuga rwa X rwahoze ari Twitter, bugaragaza ko aba bayobozi bombi baganiriye ku ngingo zitandukanye zirimo no guteza imbere umubano w’ibihugu byombi, u Rwanda na Luxembourg.

Minisiteri y’Ububanyi n’Amahanga n’Ubutwererane yagize iti: “Minisitiri Olivier Nduhungirehe yagiranye ibiganiro na Charlotte Helminger, umuyobozi ushinzwe imirimo ya Ambasade ya Luxembourg mu Rwanda, bigamije guteza imbere amahirwe yarushaho kunoza umubano w’ibihugu byombi.”

Ibihugu byombi bisanzwe bifitanye umubano mwiza n’ubutwererane. Mu Ukwakira mu 2021, Leta y’u Rwanda n’iki gihugu cyo mu Burengerazuba bw’u Burayi, byashyize umukono ku masezerano y’ubufatanye agamije guteza imbere imikorere y’Ihuriro ry’Imari Mpuzamahanga rya Kigali rizwi nka ‘Kigali International Financial Center’.

Ayo masezerano yari agamije guteza imbere Ihuriro ry’Imari Mpuzamahanga rya Kigali, haba mu bijyanye no kubaka ubushobozi bw’abakozi, kubaka ubushobozi mu bijyanye n’imikorere kugira ngo iryo huriro rishobore kuzamuka rigere ku rwego mpuzamanga.

U Rwanda na Luxambourg bisanganywe umubano mwiza mu zindi nzego zitandukanye, iki gihugu kikaba gisanganywe ubunararibonye mu by’Imari. Ibihugu byombi bifitanye n’andi masezerano agamije gukumira magendu no kunyereza imisoro.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27