Umuyobozi wa UNDOC mu ruzinduko rw’akazi mu Rwanda

Umuyobozi wa UNDOC mu ruzinduko rw’akazi mu Rwanda

Umuyobozi w’Ishami ry’Umuryango w’Abibumbye ryita ku kurwanya ibiyobyabwenge n’ibindi byaha (UNDOC), Ashita Mittal ari mu ruzinduko rw’akazi mu Rwanda.

Kuri uyu wa Gatanu tariki ya 27 Nzeri 2024, Ashita yaganiriye n’Umunyamabanga wa Leta muri Minisiteri y’Ububanyi n’Amahanga n’Ubutwererane Gen (Rtd) Kabarebe James, aho banatangije umushinga wa Empowering Every Badge Project, ku bufatanye na Polisi y’u Rwanda na Minisiteri y’Uburinganire n’Iterambere ry’Umuryango.

Gen Kabarebe na Ashita Mittal baganiriye ku bufatanye bw’u Rwanda n’ibiro by’Ishami ry’Umuryango w’Abibumbye ryita ku kurwanya ibiyobyabwenge n’ibindi byaha (UNDOC) mu kurwanya icuruzwa ry’ibiyobyabwenge n’ibindi byaha bikorerwa ku ikoranabuhanga ndetse n’iterabwoba.

Umushinga wa Empowering Every Badge Project watangijwe nyuma y’aho bigaragaye ko mu Burasirazuba bw’Afurika, hari ibyaha byugarije ab’igitsina gore birimo ihohoterwa rishingiye ku gitsina, ibyo guhozwa ku nkeke n’iby’iterabwoba.

Mu guhangana n’izo mbogamizi, UNODC yashyizeho umushinga ‘Empowering Every Badge’ ukaba ugamije guteza imbere uburinganire bw’ibitsina byombi ndetse no guha umwanya ab’igitsina gore bakagira uruhare mu mategeko agamije gukemura ibibazo bibangamiye uburinganire bw’ibitsina byombi, guteza imbere ubwuzuzanye bw’abagabo n’abagore n’ibindi.

Ni umushinga uterwa inkunga  na UNODC ku bufatanye n’ishami ry’Umuryango w’Abibumbye ryita ku bagore UN Women, ihuriro ry’abayobozi ba Polisi mu Karere k’Afurika y’Iburasirazuba (EAPCCO), ukaba waratangijwe na Guverinoma y’u Budage.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27