Rayon Sports ni yo iyoboye urutonde  rwa shampiyona

Rayon Sports ni yo iyoboye urutonde  rwa shampiyona

Taliki 01-10-2022

Bugesera FC 3-1 Etincelles FC

Kiyovu 1-2 Sunrise FC

Marines 2-3 Rayon Sports

Mukura 2-3 Gorilla FC

Taliki 02-10-2022

Musanze FC  2-1 Espoir FC

Police FC 0-2 Gasogi United FC

Rutsiro FC 1-2 AS Kigali

Rwamagana City 2-3 APR FC

Nyuma y’imikino y’umunsi wa 4 , ikipe ya Rayon Sports ni yo iyoboye urutonde rwa shampiyona y’icyiciro cya mbere mu bagabo by’agateganyo n’amanota 12.

Iyi mikino y’umunsi wa 4 yabaye taliki 01 na 02 Ukwakira 2022.  Ikipe ya Rayon Sports  yitwaye neza itsinda Marines FC ibitego 3-2. Ibitego bya Rayon Sports byatsinzwe na  Leandre Willy Essomba Onana watsinze bibiri na Mbirizi Eric. Ku ruhande rwa Marines FC ibitego byatsinzwe na Mugisha Desire na Gitego Arthur.

Leandre Willy Essomba Onana watsindiye Rayon Sports ibitego 2 mu mukino wa Marines FC

Indi mikino yabaye taliki 01 Ukwakira 2022, ikipe ya Bugesera FC  yatsinze Etincelles FC ibitego 3-1,  Kiyovu  itsindirwa mu rugo na Sunrise FC ibitego 2-1, Mukura  na yo itsindirwa i Huye na Gorilla FC  ibitego 3-2.

Taliki 02 Ukwakira 2022, imikino y’umunsi wa 4 yarakomeje aho Musanze FC yatsinze Espoir FC ibitego 2-1, Police FC itsindwa na Gasogi United  FC ibitego 2-0, AS Kigali yatsinze Rutsiro FC ibitego 2-1 naho APR FC itsinda ikipe ya Rwamagana City FC ibitego 3-2.

Nyuma y’imikino y’umunsi wa 4, ikipe ya Rayon Sports iyoboye urutonde n’amanota 12, ikurikiwe na Gasogi United FC  n’amanota 10,  ku mwanya wa 3 hari  Kiyovu n’amanota 9.  Ku mwanya wa 4 hari Gorilla FC (7),  Sunrise FC  (7), AS Kigali (6), APR FC (6), Musanze FC (6), Rutsiro FC (4), Etincelles FC (4), Mukura (3), Bugesera FC (3), Espoir FC (3), Marines FC (1), Police FC  (0) na Rwamagana City FC (0).

Hari amakipe afite imikino y’ibirarane harimo AS Kigali na APR FC afite imikino 2 naho Police FC, Bugesera FC, Mukura na Musanze FC afite umukino umwe.

Imikino y’umunsi wa 5 biteganyijwe ko izakinwa taliki 11, 12 na 13 Ukwakira 2022.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27