Wema Sepetu yanyomoje ibihuha byavugaga ko yapfuye

Wema Sepetu yanyomoje ibihuha byavugaga ko yapfuye

Umunyamideri, Umukinnyi wa filime akaba na Nyampinga wa Tanzania ubitse ikamba rya 2006, Wema Sepetu yanyomoje ibihuha byazengurutse ku mbuga nkoranyambaga bivuga ko yitabye Imana avuga ko nubwo ntacyo bimutwaye ariko atari ibintu byiza.

Ni amakuru yatangiye gucicikana ku mbuga nkoranyambaga ku mugoroba w’itariki 13 Nyakanga, aho bafashe ifoto ye bashyiraho urumuri rukunze gukoreshwa iyo hibukwa umuntu witabye Imana, batangaza ko yitabye Imana.

Yifashishije imbuga nkoranyambaga Wema Sepetu yanyomoje iby’ayo makuru maze ahumuriza abakunzi be n’inshuti.

Yagize ati: “Ese burya napfuye sinabimenya! wowe wakoze ibi, Imana iramureba murashaka kurwaza abankunda imitima mubababaza.”

Wema yahumurije abakunzi be asaba abakoresha imbuga nkoranyambaga ko bakwiye kujya birinda gukinisha amakuru akomeye nk’ayo.

Wema Sepetu akomeje kwibasirwa nyuma y’igihe gishize ahishuye ko ntako atagize ngo abashe kubyara umwana ariko byanze ariko kugeza ubu yamaze kwakira ko bitazashoboka asaba abantu kwirinda guhora bamwibasira.

Iyi ni ifoto yakoreshejwe hakwirakwizwa igihuha cy’urupfu rwa Wema Sepetu
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27