Volleyball: U Rwanda rwabonye intsinzi ya kabiri mu Gikombe cya Afurika

Ikipe y’u Rwanda y’Abagore yatsinze iya Repubulika Iharanira Demokarasi ya Congo amaseti 3-0, ibona intsinzi ya kabiri mu mikino ibiri imaze gukina mu Itsinda D ry’Igikombe cya Afurika cya Volleyball kiri kubera i Nairobi muri Kenya.

Uyu mukino wabaye kuri uyu wa Gatatu, tariki wa 26 Kanama 2026, muri Kasarani Indoor Arena.

Ni umukino woroheye u Rwanda kuko rwatsinze amaseti yose uko ari atatu, aho rwatsinze iya mbere ku manota 25-17, iya kabiri kuri 25-15 ndetse n’iya gatatu kuri 25-16.

Ikipe y’u Rwanda izasubira mu kibuga ku wa Kane, tariki ya 27 Kanama 2026, ikina n’u Burundi mu mukino usoza iy’amatsinda.