Volleyball: U Rwanda ruzahagararirwa n’amakipe 6 mu mikino y’Akarere ka Gatanu

Volleyball: U Rwanda ruzahagararirwa n’amakipe 6 mu mikino y’Akarere ka Gatanu

Amakipe atandatu yo mu Rwanda ni yo azitabira irushanwa rihuza ayabaye aya mbere iwayo mu bihugu byo mu Karere k’Afurika y’Iburasirazuba, “CAVB Zone V Volleyball Club Championship 2025”.

Iri rushanwa rizabera muri Uganda kuva itariki ya 26 Gashyantare kugeza ku ya 4 Werurwe 2025.

Mu bagabo u Rwanda ruzahagararirwa n’amakipe atatu ari yo Police VC ifite igikombe giheruka, REG VC na Kepler VC.

Mu bagore ni Rwanda Revenue Authority yatsindiwe ku mukino wa nyuma, Police WVC na APR WVC.

Uganda izakira irushanwa izatanga amakipe umunani arimo ane y’abagabo ari yo Sport-S, Nemostars, KAVC na UCU n’andi y’abagore ari yo Nkumba, Sport-S, Ndejje na KCCA.

Mu 2023, ubwo iri rushanwa ryaberaga mu Rwanda ryitabiriwe n’amakipe 16, aho ryegukanywe na Police VC mu bagabo na Pipeline WVC yo muri Kenya.

Police WVC izitabira Zone V
Kepler VC iheruka kwegukana Igikombe cy’Intwari izitabira Zone V
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27