Volleyball: Irushanwa ryo Kwibuka 31 ryigijwe inyuma 

Volleyball: Irushanwa ryo Kwibuka 31 ryigijwe inyuma 

Ishyirahamwe ry’Umukino wa Volleyball mu Rwanda (FRVB), ryatangaje ko Irushanwa ryo Kwibuka ryari riteganyijwe mu ntangiriro za Kamena 2025, ryimuriwe hagati ya tariki ya 20 na 22 Kamena 2025.

Ku wa Mbere, tariki ya 2 Kamena 2025, ni bwo FRVB yashyize itangazo hanze rivuga ko irushanwa ryo kwibuka ryagombaga kuzabera kuri Petit Stade ryimuwe.

Rigira riti: “Kubera impamvu zirenze ubushobozi bwacu, Irushanwa ryo Kwibuka (GMT 2025), ryagombaga kubera i Kigali ku itariki ya 6,7 ndetse na 8 Kamena ryasubitswe rishyirwa tariki ya 20,21 na 22 Kamena 2025. Twihanganishije abo izi mpinduka zagizeho ingaruka.”

Amakipe yo mu gihugu cya Uganda ndetse na Kenya ni yo yari yaramaze kwemeza kuzitabira iri rushanwa ngarukamwaka ryo kwibuka abari abakinnyi, abatoza, abayobozi n’abakunzi ba volleyball bishwe muri Jenoside yakorewe Abatutsi mu  Mata 1994.

Mu mwaka ushize wa 2024, mu bagabo Police VC ni yo yegukanye irushanwa nyuma yo gutsinda Gisagara VC amaseti 3-0, mu gihe mu bagore APR WVC itsinda RRA amaseti 3-0.

Police VC yegukanye irushanwa kwibuka mu 2024
APR WVC yegukanye irushanwa ryo kwibuka mu bagore
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27