Volleyball: Amakipe azakina Shampiyona Nyafurika izabera i Kigali yongerewe

Amakipe azitabira Shampiyona Nyafurika y’Amakipe y’Abagabo muri Volleyball (CAVB Men’s Club Championship) yavanwe kuri 24 agirwa 32, akazaba  agabanyije mu matsinda umunani.

Iri rushanwa rigiye gukinwa ku nshuro ya 47, rizabera muri Petit Stade na BK Arena guhera tariki ya 20 Mata kugeza ku wa 3 Gicurasi 2026.

Biteganyijwe ko u Rwanda ruzahagararirwa na APR VC, Police VC, Kepler VC na REG VC.

Bitandukanye n’uko iri rushanwa ryari risanzwe rikinwa, nta guhatanira imyanya bizabaho ku makipe atazagera muri 1/8, ni ukuvuga guhatanira kuva ku mwanya wa 17 kugeza ku wa 32.