Uncle Austin yatangaje ko akumbuye kuririmba

Uncle Austin yatangaje ko akumbuye kuririmba

Umuhanzi wabifatanyaga n’itangazamakuru Austin Tosh Luwano uzwi cyane mu myidagaduro nka Uncle Austin yatangaje ko akumbuye kuririmba ndetse ko ashobora no gutegura igitaramo.

Uyu muhanzi uri mu bakundwa cyane iyo yafatanyije n’abandi bahanzi bitewe n’uko indirimbo yaririmbye iryohera cyane uyumva iyo hagezweho aho aririmba yifashishije imbuga nkoranyambaga kuri uyu wa 10 Nyakanga 2026, abwira abamukurikira urukumbuzi akumbuye kuririmba ababaza niba nta kuntu yategura igitaramo.

Yanditse ati: “Murabyumva mute dukoze igitaramo gito. Ndumva nkumbuye kuririmba          ‘Nzakwizirikaho.” Ni amagambo yakiranwe urugwiro n’ibyishimo byinshi abakunzi be bamubwira ko biteguye cyane abandi bakamubwira ko bifuza ko icyo gitekerezo cyakomeza.

Uwitwa Josua-vava yanditse ati: “Tegura tuzaza.” Mutsinzi Samuel Crespo we ati: “Natwe twari tugukumbuye.” John-uchi1 ati: “Twizere ko ukomeje nta mikino irimo! Utaba umaze gufata agacupa, Ejo ukazatwisubira pe!”

Uretse Nzakwizirikaho Uncle Austin azwi mu zindi ndirimbo zitandukanye zirimo Najyayo, Buhoro, Urancanga, Uteye ubusambo, Closer yafatanyije n’abarimo Yvan Bravan na Meddy n’izindi nyinshi.

Uncle Austin atangaje ibyo nyuma y’igihe gito atangaje ko abaye afashe ikiruhuko mu mwuga  w’itangazamakuru yari amazemo imyaka itari mike icyakora nanone ni nyuma y’uko ashyize hanze indirimbo yise ‘Ibaruwa’.

Uncle Austin yaciye amarenga yo gutaramira abakunzi be
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27