Umuyobozi wa Iran yongeye kwiyerekana kuva batangira intambara na Isiraheli

Umuyobozi wa Iran yongeye kwiyerekana kuva batangira intambara na Isiraheli

Ayatollah Ali Khamenei, Umuyobozi w’Ikirenga wa Iran, yongeye kugaragara mu ruhame asuhuza abayoboke b’Idini ya Isilamu kuva batangira intambara na Isiraheli ku wa 13 Kamena.

Televiziyo ya Leta ya Iran yagaragaje amashusho ye ari mu musigiti muri Tehran, asuhuza abayoboke bari bateraniyemo mu birori bibanziriza Umunsi Mukuru wa Ashura. 

Umunsi wa Ashura ni uw’icyunamo w’Abayisilamu b’Abashia bibukaho urupfu rwa Imam Hossein [Husayn ibn Ali], wari umwuzukuru w’intumwa y’Imana  Muhammed.

Ibiro Ntaramakuru by’Abongereza (Reuters), byatagaje ko kugaruka k’uwo Muyobozi w’Ikirenga kwari kwitezwe na benshi ndetse abaturage bamwishimiye bakoma amashyi bamwereka urukundo ndetse basakaza amashusho ye ku mbuga nkoranyambaga.

Khamenei yaherukaga kugaragara mu ruhame mbere y’intambara bari bahanganyemo na Isiraheli, yahitanye abagaba bakuru b’Ingabo za Iran ndetse n’abandi bayobozi bakomeye mu by’ubushakashatsi bw’intwaro z’ubumara.

Kuva Isiraheli yagaba ibitero bitunguranye uyu muyobozi ntiyigeze yongera kugaragara mu ruhame ahubwo yakoreshaga ubutumwa abinyujije mu mashusho yafatwaga aho yari yihishe.

Intambara yamaze iminsi 12 yahitanye abarenga 900 muri Iran benshi barahunga ndetse yangiza ibikorwa remezo ku mpande zombi.

Nyuma y’intambara na Isiraheli, Umuyobozi w’Ikirenga wa Iran Ayatollah Ali Khamenei yongeye kugaragara mu ruhame.
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27