Umuryango w’Afurika Yunze Ubumwe winjiye mu kibazo cya Niger

Umuryango w’Afurika Yunze Ubumwe winjiye mu kibazo cya Niger

Umuryango w’Afurika Yunze Ubumwe (AU) watangaje ko uri mu nama yiga ku kibazo cya Niger, ibaye nyuma y’ihirikwa ry’ubutegetsi bwa Perezida Mohamed Bazoum, tariki 26 Nyakanga 2023.

Iyi nama irimo kubera ku cyicaro cya AU mu gihugu cya Etiyopiya, Addis Abeba. 

Ibiro Ntaramakuru by’Abafaransa (AFP) bitangaza ko inama yitabiriwe n’Umuyobozi Mukuru w’urwego rushinzwe amahoro n’umutekano mu Muryango w’Afurika Yunze Ubumwe, Faki Mahamat ndetse n’abahagarariye ibihugu bya Niger n’ibihugu bigize umuryango wa CEDEAO.

Mu Cyumweru gishize Faki yagaragaje impungenge zikomeye ku makuru yavuzwe ko Mohamed Bazouma yakuwe ku butegetsi biturutse kuri kudeta yakorewe ukwezi gushize, kuri ubu akaba afunzwe mu buryo butubahiriza uburenganzira bwa kiremwamuntu.

Abakoze kudeta muri Niger biyemeje ko Perezida Mohamed Bazoun azagezwa mu butabera. 

Perezida Bazoum w’imyaka 63 afungiwe iwe mu rugo n’umuryango we mu Murwa Mukuru, Niamey, kuva habaho ihirikwa ry’ubutegetsi mu mpera z’ukwezi gushize. 

Yanditswe na KAYITARE JEAN PAUL

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27