Umunyarwenya Mitsutsu yambitse impeta umukunzi we

Umunyarwenya Mitsutsu yambitse impeta umukunzi we

Umunyarwenya ubinyuza muri filime Mitsutsu, yambitse impeta umukunzi we impeta y’urukundo amusaba ko yamubera umugore.

Byabaye mu ijoro ry’itariki 07 Nyakanga 2025, byitabirwa n’ibyamamare bitandukanye muri sinema, inshuti n’abavandimwe.

Yifashishije imbuga nkoranyambaga ze, Mitsutsu yagaragaje ukuntu atewe ishema n’urukundo rushya kandi yishimiye intambwe bateye n’umukunzi we.

Yanditse ati: “Urukundo rugira igisobanuro iyo ndi kumwe na we, wakoze kunyemerera kuba uwanjye iteka ryose imbere y’inshuti n’abavandimwe ndetse n’Isi yose muri rusange. Ntuzicuza isegonda na rimwe, ndagukunda.”

Mitsutsu yambitse impeta umukunzi we nyuma y’iminsi mike agaragaza agahinda yatewe na Nana yavugaga ko bahoze bakundana ndetse rimwe na rimwe akumvikanisha ko akimukunda yifuza ko basubirana, mu gihe uyu mukobwa we yavugaga ko yamufataga nk’inshuti bisanzwe kuko bakinanaga muri filime zitandukanye, byatumaga amufata nk’uwo bakorana gusa.

Kwambika impeta kwa Mitsutsu asaba umukunzi we ko bazabana nk’umugore n’umugabo byateje impagarara, bamwe bakavuga ko Mitsutsu yabakundaga ari babiri kubera ko yari amaze iminsi yinginga Nana ko basubirana mu biganiro bitandukanye yagiye akora mu byumweru bibiri bishize, icyakora abandi bakamushimira kandi bakamwifuriza ishya n’ihirwe mu rukundo rwe.

Amakuru avuga ko Mitsutsu n’umukunzi we batari bamaze igihe kinini bakundana ibyo bashingira ku biganiro amaze iminsi akora aririra gusubirana n’uwahoze ari umukunzi we.

Nyuma yo kwambika impeta umukunzi we Mitsutsu byamurenze ararira
Mitsutsu n’umukunzi we
Umunyarwenya Nyaxo mu bashyigikiye Mitsutsu
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27