Umukino wa Mukura VS na Rayon Sports uzakomereza ku munota wari ugezeho

Umukino wa Mukura VS na Rayon Sports uzakomereza ku munota wari ugezeho

Ishyirahamwe ry’Umupira w’Amaguru mu Rwanda (FERWAFA) ryemeje ko umukino uhuza Mukura VS na Rayon Sports wasubitswe kubera ibibazo by’urumuri ruke, uzasubukurwa ku munota wari ugezeho wa 27, ku wa 22 Mata 2025 saa cyenda kuri Stade ya Huye.

Uwo mukino ubanza wa 1/2 cy’Igikombe cy’Amahoro wabaye ku wa Kabiri tariki ya 15 Mata 2025, ariko  uhagarara ugeze ku munota wa 27. 

Uyu mukino wabaye ku wa Kabiri, guhera saa Kumi n’Imwe z’umugoroba. 

Abasifuzi bayoboye umukino na Komiseri banzuye ko uhagarara burundu, batanga raporo mu gihe umwanzuro wa nyuma wagombaga gufatwa n’Ishyirahamwe ry’Umupira w’Amaguru mu Rwanda (FERWAFA).

Ku mugoroba wo kuri uyu wa 17 Mata, ni bwo iri Shyirahamwe ryatangaje ko umukino uzasubirwamo, ugakomereza ku munota wari ugezeho.

Uyu mukino wo kwishyura washyizwe ku wa 30 Mata 2025, kuri Kigali Pele Stadium.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27