Umujyi wa Goma wahagaritse ibikorwa byo gusenga

Umujyi wa Goma wahagaritse ibikorwa byo gusenga

Meya wa Goma mu Ntara ya Kivu y’Amajyaruguru, Kapend Kamand Faustin, yatangaje ko abanyamadini bose baturuka imihanda yose bajya gusenga ko bitemewe kubera impamvu z’umutekano muke uri mu Burasirazuba bwa Repubulika Iharanira Demokarasi ya Congo.

Itangazo ryashyizwe hanze ku mugoroba wo ku wa Gatatu tariki 14 Gashyantare 2024, rigira riti “Abayobozi b’amadini bafite abayoboke basengera ahantu hatandukanye, kubera impamvu z’umutekano igikorwa gihagaritswe kugeza hatanzwe andi mabwiriza”.

Ubuyobozi bwa Goma bushimangira ko ntawemerewe kuzamuka umusozi uwo ari wo wose agiye gusenga nyuma yo kumva iri tangazo.

Mu ntara ya Kivu y’Amajyaruguru hakomeje kubera intambara ikomeye, aho FARDC ifatanyije n’umutwe wa FDLR, SADC, Ingabo z’u Burundi barimo kurwana n’Umutwe wa M23.

Bivugwa ko inzira iva muri Sake nk’agace kagaburira Umujyi wa Goma, iva Minova, Masisi n’ahandi ko izo nzira zose zifunze ku buryo bigoye ko hari uwava i Goma ajya muri ibyo bice.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27