Umuhanzikazi France Mpundu yambitswe impeta y’urukundo

Umuhanzikazi France Mpundu yambitswe impeta y’urukundo

Umuhanzikazi uri mu bakizamuka France Mpundu wabaye muri Afurika y’Epfo yambitswe impeta y’urukundo n’umukunzi we Moctar bamaze igihe mu munyenga w’urukundo.

Ni igikorwa cyabaye mu ijoro ry’itariki 15 Ugushyingo 2025, ubwo aba bombi bari mu kiganiro “Secret Story” gishingiye ku irushanwa ryitwa gutyo gitambuka kuri shene ya Canal Magic n’izindi.

Amakuru avuga ko aba bombi urukundo rwabo rwatangiye ubwo bahuriraga muri iryo rushanwa ugakomeza ukaguka kugeza ubwo bateye iyo ntambwe.

Ubwo yari agiye kumwambika iyo mpera Moctar yaciye amarenga ko bamaze igihe bageragezwa mu rukundo ariko atigeze ashidikanya ko ari we Imana yamugeneye.

Yagize ati: “France mukunzi wanjye. Nabikubwiye inshuro nyinshi. Kuva nahura na we nagize amarangamutima adashidikanya rwose kuri wowe.

Uyu munsi reka mbikubwire kurushaho. Uyu munsi niteguye ku guha igihamya cy’uburyo nkukundamo kurushaho. Mu cyumweru kimwe twanyuze mu bigoye, ariko twavuyemo nk’abatsinzi.”

Mu marangamutima agaragaza gutungurwa bidasanzwe Mpundu ntiyashidikanyije yahise amubwira “Yego”.

France Mpundu ni umuhanzi abarizwa mu nzi ifasha abahanzi (Label) yitwa ‘Huha Records’ ya Juno Kizigenza.

Bivugwa ko Moctar afite inkomoko mu gisekuru cy’umwami wa nyuma wa Niger.

France Mpundu yambikiwe impeta kuri televiziyo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27