Umuhanzi Spyro yikomye indirimbo zamamaza ubusambanyi zishe umuziki

Umuhanzi Spyro yikomye indirimbo zamamaza ubusambanyi zishe umuziki

Umuhanzi wo muri Nigeria, Oludipe David, uzwi nka Spyro, yatangaje ko umuziki watakaje agaciro kawo kubera abahanzi  bibanda cyane ku  indirimbo zikubiyemo ubutumwa bwamamaza ubusambanyi zirimo amagambo azw’inkibishegu

Uyu muhanzi, akunze kwibanda ku ndirimbo zikubiyemo ubuzima rusange bw’abantu ibituma indirimbo ze ziri mu zikundwa n’abatari bake haba muri Nigeria no hanze yayo.

Ubwo yari mu kiganiro cyabereye ku mbuga nkoranyambaga ‘Adesope Live Show’ Spyro yagaragaje ko umuziki wa Nigeria umaze kwangirika kubera kwibanda ku ndirimbo z’ibishegu.

Yagize ati: “Mu bihe byashize, abandika indirimbo babaga batanga ubutumwa bufite ireme, hatitawe ku njyana bakoreshaga. Ariko umuziki w’uyu munsi bibanda ku mbyino gusa, turavuga ngo turajya mu mwimerere wo kwishimisha gusa.

Mu gihe kwishimisha (vibes) ari byiza, numva ko umuziki watakaje agaciro kawo k’imbere.

Kera wakumva indirimbo ugahita ugira amarangamutima kandi ugasigarana ubutumwa bwigisha. Gukora indirimbo ibyinitse ni byiza, ariko se ni gute twashyira ubutumwa bw’indangagaciro mu ndirimbo ibyinitse.”

Avuga ko kuba ubusambanyi bwarahawe intebe mu miryango itandukanye byatijwe umurindi n’indirimbo z’abahanzi bandika zikubiyemo ubwo butumwa.

Ati: “Kuba gukora ubusambanyi byarahindutse nk’umukino byatewe n’ihinduka ry’imyitwarire tubona muri sosiyete byose biterwa no kuba umuziki waratakaje agaciro. Ubu turaririmba gusa dukurikiye amafaranga. Benshi muri twe twinjiye muri uyu mwuga kubera amafaranga, atari ugushaka kugira icyo duhindura.”

Spyro azwi cyane mu ndirimbo zitandukanye zihuza imbyino n’ubutumwa zirimo Dance, Pray, Shope, Wife material, who is your Guy? Yafatanyije na Tiwa Savage n’izindi.

Spyro yagaragaje ko indirimbo zirimo ubutumwa bw’ubusambanyi zishe umuziki
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27