Umuhanzi Shaffy agiye gutaramira muri Canada

Umuhanzi Shaffy agiye gutaramira muri Canada

Umuhanzi w’umunyarwanda ukorera umuziki muri Leta zunze Ubumwe za Amerika, Shaffy yatangaje ko agiye gutaramira mu Gihugu cya Canada mu Mujyi wa Ottawa.

Uwo muhanzi azwi mu ndirimbo zitandukanye zirimo Bana yafatanyije na Chriss Eazy, Akabanga, Sukuma, Naruguyemo, n’izindi zikundwa n’ab’ingeri nyinshi bakunda umuziki.

Yifashishije urubuga rwe rwa Instagram, Shaffy yatangaje ko icyo gitaramo muri uwo Mujyi kizaba mu kwezi kwa Gicurasi 2026, anamenyesha ko amakuru arambuye ku bijyanye n’igihe n’aho kizabera azatangazwa vuba.

Yanditse ati: “Mfite amashyushyu, sinshiboye gutegereza. Muri Gicurasi Shaffy azataramira muri Canada. Andi makuru ni vuba.”

Icyo gitaramo muri Canada kigiye kuba nyuma y’uko Shaffy yaherukaga gutaramira mu Rwanda mu mpera za 2026, mu gitaramo yahuriyemo na Kevin Kade, wizihizaga imyaka itanu yari amaze mu muziki.

Ni mu gihe kandi yaherukaga gutaramira mu Mujyi wa Kampala mu gihugu cya Uganda, mu gitaramo yahuriyemo na The Ben muri Gashyantare 2026, mu rwego rwo kwizihiza umunsi wa Saint-Valentin, uzwi nk’umunsi w’abakundana.

Shaffy agiye gutaramira muri Canada nyuma y’uko aherutse gutaramira mu Rwanda no muri Uganda
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27