Umuhanzi Audia Intore yasezeranye mu Mategeko

Umuhanzi Audia Intore yasezeranye mu Mategeko

Umuhanzi w’injyana gakondo Alice Uwimana Diane uzwi nka Audia Intore yasezeranye mu mategeko n’umukunzi we Cyiza Kelly bitegura kurushinga mu kwezi gutaha.

Ni umuhango wabereye mu Murenge wa Remera ho mu Karere ka Gasabo, kuri uyu wa Kane tariki 26 Kamena 2025.

Uretse kuba ari umunsi basezeraniyeho kandi tariki 26 Kamena ni na bwo Cyiza yabonye izuba ibituma umunsi ukomeza kurushaho kuba mwiza kuko wanizihirijweho isabukuru ye.

Mu butumwa Audia Intore yanyujije ku mbuga nkoranyambaga ze yasezeranyije Cyiza ko ku isabukuru yer ari bumuhe ikarito y’impano yuzuyemo urukundo rwe rwose.

Yanditse ati: “Nifuzaga kuguha urukundo rwose ntunze ku munsi w’isabukuru yawe ariko nta karito yihagije mu bunini rwakwirwamo.

 Urwo ntunze rwose rwamaze kuba urwawe warakoze kuzana ibyishimo bisendereye mu buzima bwange.”

[…] Utuma buri munsi wange umera nk’uwibirori ariko uyu munsi wo urenze kuba uw’umwiharikoIsabukuru nziza. Ngukunda birenze igipimo.”

Muri uwo muhango Audia yari agaragiwe na Pamella uzwi mu itsinda rya Ange na Pamella mu gihe we Cyiza Kelly we yari agaragiwe n’umunyamakuru Mbabazi Gerard muri uwo muhango.

Basezeranye nyuma y’igihe gito inshuti za Audia Intore zimukoreye ibirori byo gusezera ubukumi bizwi nka Bridal Shower yabaye tariki 15 Kamena 2025.

Biteganyijwe ko ubukwe bwabo buzaba tariki 26 Nyakanga 2025, Bukazabera Kinyinya mu Karere ka Gasabo.

Abarimo Pamela na Gerard Mbabazi bagaragiye Audia Intore na Cyiza Kelly
Mu birori byo kwiyakira Audia Intore yatunguye Cyiza Kelly amufasha kwizihiza isabukuru ye.
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27