Umugaba Mukuru w’Ingabo za Gambia ari mu Rwanda 

Umugaba Mukuru w’Ingabo za Gambia ari mu Rwanda 

Umugaba Mukuru w’Ingabo za Gambia, Lieutenant General Mamat O.A Cham yatangiye uruzinduko rw’akazi mu Rwanda rugamije kunoza imikoranire isanzweho mu bya gisirikare hagati y’ibihugu byombi.

Ni uruzinduko rw’iminsi itandatu Lieutenant General Mamat O.A Cham yatangiriye kuri Minisiteri y’Ingabo y’u Rwanda (MINADEF) kuri uyu wa 13 Ukwakira 2025. 

 Ku Birindiro Bikuru bya MINADEF yakiriwe Minisitiri w’Ingabo Juvenal Marizamunda, n’Umugaba Mukuru w’Ingabo z’u Rwanda Gen Mubarakh Muganga, bagirana ibiganiro byihariye.

MINADEF yatangaje ko urwo ruzinduko rugamije gukomeza ubufatanye busanzwe hagati y’Igisirikare cy’u Rwanda na Gambia.

Mu biganiro bagiranye, Lieutenant General Cham yasobanuriwe ku bijyanye n’umutekano w’Akarere ndetse n’uruhare u Rwanda rugira mu kubungabunga amahoro n’umutekano muri Afurika.

Yananasuye Urwibutso rwa Jenoside yakorewe Abatutsi mu 1994 rwa Kigali yunamira inzirakarengane zihashyinguye ndetse n’Ingoro y’Urugamba rwo Guhagarika Jenoside.

Muri uruzinduko rwe, Umugaba Mukuru w’Ingabo za Gambia azanasura ibigo bishamikiye kuri Minisiteri y’Ingabo n’Ingabo z’u Rwanda (RDF).

Uruzinduko rwatangiriye kuri Minsiteri y’Ingabo y’u Rwanda
Lieutenant General Mamat O.A yakiriwe na Minisitiri w’Ingabo Juvenal Marizamunda, n’Umugaba Mukuru w’Ingabo z’u Rwanda, Gen Mubarakh Muganga
Umugaba Mukuru w’Ingabo za Gambia, Lieutenant General Mamat O.A n’itsinda bazanye bari mu Rwanda mu ruzinduko rw’iminsi itandatu
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27