Uko Kelliah yahisemo gukora amashusho y’indirimbo ‘Gitego’

Uko Kelliah yahisemo gukora amashusho y’indirimbo ‘Gitego’

Umuhanzi ukizamuka mu ndirimbo zigezweho n’iziri mu njyana gakondo, Kelliah yasobanuye impamvu yahisemo gukora amashusho y’indirimbo ye nshya yise ‘Gitego’ yibanze ku mico ya kinyafurika.

Gitego ni indirimbo ya Kelliah nshya avuga ko yahisemo kuyikora mu njyana imeze nka gakondo ariko agahitamo gukora amashusho mu buryo n’utumva ururimi avuga yamenya icyo indirimbo igarukaho.

Aganira na Imvaho Nshya yavuze ko nubwo yagerageje gushyiraho amagambo asobanura ibyo aririmba mu Kinyarwanda gusa akabona bidahagije kuko hari n’abatazi icyongereza yanditseho gisobanura amagambo.

Yagize ati: “Ubusanzwe ‘Gitego’ ni indirimbo nakoze mu buryo bw’injyana gakondo ariko sinifuje kuyigira gakondo cyane ahubwo natekereje ko hari ushobora kuyireba atazi Ikinyarwanda, asoma ntasobanukirwe ibisobanuro nashyizeho mu Cyongereza mpitamo kwitaka mu muco wa kinyafurika.”

Mu mashusho y’iyo ndirimbo Kelliah yibanze ku myambarire ya kinyafurika harimo ibitenge n’indi myambarire n’uburyo bwo kwitaka no gushaka ubwiza mu mico itandukanye ikoreshwa mu bihugu birimo Nigeria, Kenya, Ethiopia, Afurika y’Epfo n’ibindi.

Kelliah avuga ko atekereza gukora iyo ndirimbo yegereye Bolingo bafatanya kuyandika bashingiye ku marangamutima y’abantu bose bakundana.

Ati: “Ni indirimbo natekereje nshingiye ku marangamutima umuntu aba afitiye umukunzi we, maze kubitekereza negereye Bolingo turayandika nifuza ko yafasha abantu kugaragariza abakunzi babo amarangamutima yabo.”

Uwo muhanzi ubusanzwe yitwa Kellia Tuyizere.

Kelliah amenyerewe mu gusubiramo indirimbo zamenyekanye kandi zakunzwe z’abandi bahanzi gusa kugeza ubu amaze gushyira hanze indirimbo Renge, Together, Ndabizi yafatanyije na Alyn Sano.

Kelliah avuga ko ‘Gitego’ ari indirimbo yakoze agamije gufasha abakundana gusohora amarangamutima yabo
Kelliah avuga ko yahisemo gukora imitako y’ubwiza ya Kinyafurika kugira ngo nutabyumva azasobanukirwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27