Uhuru Kenyatta, Obasanjo na Hailemariam bagizwe abahuza ku kibazo cya RDC

Uhuru Kenyatta, Obasanjo na Hailemariam bagizwe abahuza ku kibazo cya RDC

Umuryango w’Afurika y’Iburasirazuba (EAC) n’Umuryango w’Ubukungu w’Ibihugu bya Afurika y’Amajyepfo (SADC) yemeje ko Uhuru Kenyatta wabaye Perezida wa Kenya, Olusegun Obasanjo wabaye Perezida wa Nigeria na Hailemariam Desalegn Boshe wabaye Minisitiri w’Intebe wa Ethiopia, ari bo bahuza mu kibazo cy’umutekano mu Burasirazuba bwa DRC.

Ni mu itangazo imiryango yombi yashyize hanze kuri uyu wa Mbere tariki ya 24 Gashyantare 2025, mu gushimangira umwanzuro w’iyo Miryango yombi wo guhuza ibiganiro bya Luanda n’ibya Nairobi mu nama yabereye i Dar Es Salaam muri Tanzania ku wa 

Ni imyanzuro yafatiwe yafashwe na Perezida wa Zimbabwe akaba n’Umuyobozi wa SADC Dr. Emmerson Dambudzo Mnangagwa, afatanyije na Perezida wa Kenya akaba n’Umuyobozi wa EAC Dr. William Samoei Ruto. 

Itangazo ryashyizwe ahagaragara n’Ubunyamabanga Bukuru bwa EAC rishimangira ko kuri uyu wa Mbere tariki ya 24 Gashyantare hateranye inama ihuza Abagaba b’Ingabo mu bihugu bya EAC na SADC ibanziriza indi y’Abaminisitiri izaba ku wa 28 Gashyantare, yiga ku bikubiye mu rugendo rwo guhagarika intambara. 

Impande zihanganye muri RDC zasabwe gushyira mu bikorwa ibikubiye mu myanzuro yafashwe na EAC na SADC yo guhagarika imirwano, M23 by’umwihariko ikaba ihagaritse gukomeza kwigarurira n’utundi duce.  

Uhuru Kenyatta wabaye Perezida wa Kenya,yagizwe umuhuza ku mu kibazo cy’umutekano muke mu Burasirazuba bwa DRC
Olusegun Obasanjo wabaye Perezida wa Nigeria yagizwe umuhuza mu kibazo cy’umutekano muke mu Burasirazuba bwa DRC
Hailemariam Desalegn Boshe wabaye Minisitiri w’Intebe wa Ethiopia,na we yagizwe umuhuza mu kibazo cy’umutekano muke mu Burasirazuba bwa DRC
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27