Uganda: Umubare w’abahitanywe n’inkangu umaze kugera kuri 28

Uganda: Umubare w’abahitanywe n’inkangu umaze kugera kuri 28

Umubare w’abantu bamaze guhitanwa n’inkangu mu burasirazuba bwa Uganda ukomeje kuzamuka aho bageze kuri 28 bamaze kwemezwa ko bapfuye, nyuma yuko habonetse imibiri y’abana bari mu kigero cy’imyaka itatu kandi haracyari impungenge ko ukomeza kwiyongera.

Imvura nyinshi yaguye mu burasirazuba bwa Uganda ku wa Gatatu w’icyumweru gishize yibasiye uduce dutandukanye two muri Bulambuli bituma imisozi iriduka bamwe barapfa abandi barenga ijana bakaba bakomeje kuburirwa irengero.

Polisi ya Uganda yatangaje ko abantu benshi bataraboneka ariko ko habaye habonetse imibiri yabo bana nubwo nta bindi bisobanuro yatanze.

Ibiro Ntaramakuru by’Abongereza byatangaje ko ubuyobozi bukomeje gusaba abatuye mu bice byugarijwe n’ibiza kwimuka bakajya aho babona umutekano ariko benshi ntibarimuka kuko bagaragaza impungenge z’ubushobozi buke.

Umuryango utabara imbabare muri Uganda utangaza ko iyo mvura yatewe n’ihindagurika ry’ibihe kandi ugikomeje ibikorwa by’ubutabazi nubwo imibiri ya benshi itaraboneka.

Guhera mu Ukwakira, imvura idasanzwe yibasiye ibice bitandukanye bya Uganda hamwe ihateza imyuzure ahandi inkangu kandi ubuzima bwa benshi bukomeje kuhatikirira.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27