Uganda: Perezida Museveni yafashe impapuro zo kuziyamamaza mu matora

Uganda: Perezida Museveni yafashe impapuro zo kuziyamamaza mu matora

Perezida wa Uganda, Yoweri Kaguta Museveni yafashe impapuro zimwemerera guhagararira ishyaka rye, NRM (National Resistance Movement) mu matora y’Umukuru w’Igihugu ateganyijwe muri Mutarama 2026.

Kuri uyu wa Gatandatu, tariki ya 28 Kamena 2025 ni bwo Perezida Museveni yafashe inyandiko kuri Komisiyo y’Igihugu y’Amatora i Kampala aho yari agaragiwe n’imbaga y’abamushyigikiye barimo abayobozi bakomeye muri Guverinoma ndetse n’abaturage bari bitwaje amabendera; bamugaragariza urukundo.

Uretse Museveni hari abandi bakandida bazahatana nawe bo mu mashyaka atandukanye barimo n’abamaze gufata impapuro n’abandi bateganya kuzazifata.

Robert Kyagulanyi Sentamu uzwi nka Bobi Wine, uhagarariye ishyaka rya National Unity Platform, (NUP) nawe yamaze gutangaza ko azahangana na Museveni mu matora.

Mu bandi batangaje ko baziyamamaza harimo Nathan Nandala Mafabi w’ishyaka Forum for Democratic Change, (FDC), Apostle Henry Byamukama w’ishyaka Labour Party n’abandi.

Nyuma y’uko Abakandida bose bujuje ibisabwa; Komosiyo y’Igihugu y’Amatora izatangaza abemerewe guhatana nyuma hatangire ibikorwa byo kwiyamamaza.

Perezida Museveni w’imyaka 80 yafashe ubutegetsi mu 1986.

Perezida Museveni yakiranywe urugwiro ubwo yajyaga gufata impapuro ngo yuzuze ibisabwa azahatane mu matora
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27