UCL: Zira FK ya Mutsinzi Ange yatsinze umukino ubanza mu ijonjora rya kabiri

UCL: Zira FK ya Mutsinzi Ange yatsinze umukino ubanza mu ijonjora rya kabiri

Zira FK yo mu cyiciro cya mbere muri Azerbaijan ikinamo myugariro Mutsinzi Ange yatsinze Dunajská Streda yo muri Slovakie ibitego 4-0 mu mukino ubanza mu ijonjora rya kabiri mu yo gushaka itike y’Amatsinda ya UEFA Conference League.

Uyu mukino wabaye ku mugoroba wo ku wa Kane tariki ya 25 Nyakanga 2024 ubera muri Azerbaijan.

Zira FK yari iherutse gusezererwa mu ijonjora rya mbere rya UEFA Europa League na FC Sheriff yo muri Moldova iyitsinze penaliti 5-4, nyuma yo kunganya ibitego 2-2 mu mikino yombi.

Ibi byatumye ikomeza muri UEFA conference League mu ijonjora rya kabiri maze itombola Dunajská Streda yo muri Slovakie.

Ibitego bya FK ZIRA byatsinzwe na Raphael Utzig ku munota wa 29 nyuma y’iminota ibiri ku munota 31 Martins Júnior yatsinze igitego cya kabiri maze bajya kuruhuka bayoboye n’ibitego 2-0.

Mu gice cya kabiri ku munota wa 50 Davit Volkov yatsinze igitego cya gatatu nyuma y’iminota itatu yongeye kunyeganyeza inshundura atsinda igitego cya kane.

Umukino warangiye Zira FK itsinze Dunajská Streda ibitego 4-0 mu mukino ubanza mu ijonjora rya kabiri rya UEFA Conference League.

Umukino wo kwishyura uteganyijwe tariki ya 1 Kanama 2024 muri Polgne.

Uyu mukino wari uwa gatatu kuri Mutsinzi Ange ndetse yanabanje mu kibuga akina n’iminota yose.

Mu ntangiriro za Nyakanga ni bwo Mutsinzi yerekeje muri Zira FK yasinyiye amasezerano y’imyaka itatu, avuye muri FK Jerv yo muri Norvège.

Mutsinzi ni umwe muri ba myugariro Ikipe y’Igihugu ‘Amavubi’ igenderaho. Yanyuze mu makipe nka AS Muhanga, Rayon Sports, APR FC ndetse na CD Trofense yo muri Portugal.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27