Ubwegure bwa Samuel Eto’o uyobora Ruhago ya Cameroun bwatewe utwatsi

Ubwegure bwa Samuel Eto’o uyobora Ruhago ya Cameroun bwatewe utwatsi

Perezida w’Ishyirahamwe ry’Umupira w’Amaguru muri Cameroun, Samuel Eto’o, yatanze ibaruwa yegura kuri uwo mwanya ariko icyemezo cye giteshwa agaciro n’abagize Komite Nyobozi y’iri shyirahamwe imugaragariza ko bakimufitiye icyizere.

Ishyirahamwe rya Ruhago muri Cameroun ryatangaje ko Komite Nyobozi yaryo yateraniye i Yaoundé ku wa Mbere, kugira ngo isuzume umusaruro w’Ikipe y’Igihugu mu Gikombe cy’Afurika.

Aha ni bwo Samuel Eto’o yahise atanga ibaruwa y’ubwegure ndetse asaba na bagenzi be “kubikora nk’abagamije impinduka.”

Nyuma y’ibiganiro, abagize Komite Nyobozi bafashe icyemezo cyo gukomeza inshingano zabo ndetse banga ubwegure bwa Samuel Eto’o bifuza ko akomeza inshingano yatorewe ku wa 11 Ukuboza 2021.

Ishyirahamwe ry’umupira w’amaguru muri Cameroun ntiryigeze ritangaza niba hari umwanzuro wafashwe ku hazaza h’Umutoza Rigobert Song nyuma yo gusezererwa kare mu Gikombe cy’Afurika.

Samuel Eto’o wabaye Umukinnyi Mwiza w’Afurika inshuro enye, yashinjwe imyitwarire imibi, kugena ibiva mu mikino na ruswa.

Cameroun imaze kwegukana Igikombe cy’Afurika inshuro eshanu, mu gikombe cy’Afurika uyu mwaka yatsinze umukino wa Gambia wayihesheje kurenga amatsinda, ariko isezererwa na Nigeria muri 1/8.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27