U Rwanda rwatangiye gukorana n’Ikigo IID cyo mu Busuwisi

U Rwanda rwatangiye gukorana n’Ikigo IID cyo mu Busuwisi

Guverinoma y’u Rwanda yasinye amasezerano y’ubufatanye (MoU) y’imikoranire n’Ikigo Mpuzamahanga gitanga Serivise mu bya Dipolomasi, (International Institute for Diplomacy: IID) gikorera mu Busuwisi.

Ni amasezerano yasinyiwe i Geneve mu Busuwisi, ku wa 09 Ukuboza, aho ku ruhande rw’u Rwanda yashyizweho umukono na Amb Urujeni Bakuramutsa uhagarariye u Rwanda muri Loni no mu yindi miryango mpuzamahanga y’i Geneve na Perezida wa IID, Pablo Demierre wari kumwe na Visi Perezida, Vincent Subilia.

Ayo masezerano akaba agamije kugenga imikoranire y’impande zombi   mu bijyanye n’amahugurwa yo ku rwego ruhanitse ku bikorwa bya dipolomasi, ibiganiro, amategeko mpuzamahanga, kongerera abakozi ubushobozi mu buryo bw’umwuga, itumanaho n’ubutwererane bihuriweho.

Impande zombi ziyemeje gusangira ubumenyi n’uburararibonye mu bya dipoloamasi, amasomo mu bya politiki ndetse abakozi b’impande zombi bazagira uruhare mu mahugurwa yihariye mu bya dipolomasi.

Ikigo IID kibonwa nk’igisubizo kirambye mu gihe Isi ihanganye n’amakimbirane y’ibihugu mu gihe gifite ubunararibonye mu kubifasha kugera ku mahoro no kuyoborwa mu rugendo rwo kugera ku Ntego z’Iterambere Rirambye (SDG’s).

U Rwanda rwiteze kungukira byinshi mu mikoranire na IID
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27