U Rwanda rwasabye Abanyarwanda muri Mozambique kuguma mu rugo

U Rwanda rwasabye Abanyarwanda muri Mozambique kuguma mu rugo

Minisitiri w’Ububanyi n’Amahanga n’Ubutwererane, Amb. Olivier Nduhungirehe, yatangaje ko Ambasade y’u Rwanda i Maputo muri Mozambique yabaye ifunzwe by’agateganyo ndetse anasaba Abanyarwanda batuye muri Mozambique kuguma mu rugo.

Mu kiganiro yagiranye na Radiyo & TV10 yavuze ko Ambasade y’u Rwanda ifunzwe mu gihe cy’iminsi Ibiri kubera imyigaragambyo yakurikiye amatora.

Anavuga ko Abanyarwanda bakorerayo bagiriwe inama yo kuguma mu rugo.

Yagize ati: “Twagiriye inama Ambasade yacu kuba ifunze ndetse tukaba twanagiriye inama Abanyarwanda, cyane cyane abacuruzi ba hariya, kudafungura amaduka yabo uyu munsi n’ejo.

Twebwe rero icyo twifuza ni uko Abanyarwanda bagira umutekano, kandi batakwishyira mu kaga, ni yo mpamvu tubasaba kuba bagumye mu rugo muri iyi minsi ibiri.”

Imyigaragambyo y’i Maputo, Umurwa Mukuru wa Mozambique, yatangiye nyuma y’uko bitangajwe ko Daniel Chapo w’ishyaka FRELIMO yegukanye intsinzi mu matora y’Umukuru w’Igihugu, asimbura Felipe Nyusi.

Venancio Mondlane watsinzwe amatora yanze kwemera ibyayavuyemo ndetse asaba abamushyigikiye kwigaragambya.

Guverinoma y’u Rwanda iherutse gutangaza ko nta Munyarwanda wari waburira ubuzima muri izi mvururu zakurikiye amatora, gusa bivugwa ko hari abasahuwe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27