U Rwanda rugiye kubona Pisine Olempike

U Rwanda rugiye kubona Pisine Olempike

Kuva taliki 23 kugeza 30 Kamena 2023 mu Mujyi wa Hammamet muri Tunizia  habereye imikino y’Afurika ikinirwa ku mucanga “Africa Beach Games 2023”.

Muri iyi mikino, u Rwanda rwaserukiwe  mu mukino wo Koga “Swimming”, Kung Fu Wushu na Basketball ikinwa n’abakinnyi 3 “3×3”.

Mbere y’uko iyi mikino itangira habaye inama y’Inteko Rusange y’Ishyirahamwe rya za Komite Olempike mu bihugu byose by’Afurika “ANOCA”. 

Iyi nama yari yitabiriwe na Minisitiri wa Siporo mu Rwanda (MINISPORTS), Munyangaju Aurore Mimosa, IOC Member, Rwemalika Felecite, n’abari bahagarariye Komite Olempike y’u Rwanda (RNOSC) ari bo  Perezida w’agateganyo, Umulinga Alice na Girimbabazi Rugabira Pamela usanzwe ari Umujyanama muri RNOSC akaba na Perezida w’ishyirahamwe ry’umukino wo Koga mu Rwanda (RSF).

Haganiriwe ku mushinga wo kubaka Pisine Olempike mu Rwanda. Iyi ikaba ari Pisine yatanzwe n’Ishyirahamwe ry’umukino wo Koga ku Isi “World Aquatics” binyuze muri ANOCA.

Mu rwego rwo kunoza uyu mushinga, Minisitiri wa Siporo mu Rwanda, Munyangaju Aurore Mimosa ari kumwe na Perezida w’Impuzamashyirahamwe y’umukino wo Koga muri Afurika “CANA”  akaba Visi Perezida w’Ishyirahamwe ry’umukino wo Koga ku Isi, Sam Ramsamy na Perezida wa ANOCA, Mustapha Berraf  baganiriye ku bijyanye no guteza imbere ibikorwa remezo by’umukino wo Koga.

Uretse mu Rwanda, izi Pisine kandi zizubakwa mu bihugu bya Uganda na Ghana.

Muri iyi nama y’Inteko Rusange ya ANOCA  abitabiriye kandi barebeye hamwe ibijyanye n’ibikorwa biteganywa mu myaka iri imbere, birimo imikino y’Afurika izabera muri Ghana “African Games 2024 ” n’imikino y’Afurika ikinirwa ku mucanga izabera muri Guinea Equatorial muri 2025 ndetse n’imikino  Olempike y’urubyiruko “Youth Olympics Games 2026” izabera i Dakar muri Senegal muri 2026.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27