U Buyapani: Umubare w’abahitanywe n’umutingito umaze kugera kuri 64

U Buyapani: Umubare w’abahitanywe n’umutingito umaze kugera kuri 64

Kuri uyu wa Gatatu, u Buyapani bwatangaje ko umubare w’abahitanwe n’umutingito ukomeye wibasiye u Buyapani ku wa Mbere w’iki Cyumweru wazamutse ugera kuri 64.

Uwo mutingito ufite ubukana bwa 7.6 ukaba waribasiye Perefegitura ya Ishikawa mu Buyapani rwagati.

Nubwo ubuyobozi bwihutiye gutanga ubufasha mu duce twibasiwe n’umutingito, abawurokotse bakomeje kwibasirwa n’imvura nyinshi ndetse n’ubushyuhe bukabije.

Ibiro Ntaramakuru y’Abongereza Reuters yatangaje ko kuri uyu wa Gatatu, hateganyijwe ko hagwa imvura nyinshi mu turere twibasiwe n’umutingito, bikaba byateye ubwoba ko umubare w’abapfa ukomeza kwiyongera ndetse n’ibikorwa remezo bikangirika.

Nubwo agaciro k’ibyangiritse kataramenyekana abayobozi bemeje ko hapfuye abantu 64 kugeza ubu, bikaba byatumye ari wo mutingito uhitana abantu benshi mu Buyapani kuva mu 2016.

Perefegitura ya Ishikawa ivuga ko abantu barenga 33.000 bavuye mu ngo zabo kandi uduce tumwe na tumwe ntidufite amazi n’amashanyarazi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27